Jump to content

آشا بھوسلے

وکیپیڈیا توں
آشا بھوسلے دی تصویر

P21 العشير ويكي بيانات آشا بھوسلے (اردو: آشا بھوسلے) (ڄَمَّݨ دی تَرِیخ: ٨ ستمبر ١٩٣٣ء)[١] اردو فلماں دی مہان٘دری ڳائیکہ ہِن۔ اُوہ مہان٘دری ڳائیکہ لتا منگیشکر دی نِکّی بھیݨ ہِن۔ اردو توں انج اِنّھاں نے ٢٠ بھارتی تے غیر مُلخی ٻولیاں وِچ نغمہ سرائی کِیتی۔ اُوہ ہُݨ تئیں ١٢٠٠٠ توں ودھ گِیت ڳاء چُکّی ہِن۔

پیدائش[لکھو | ماخذ وچ تبدیلی کرو]

آشا بھوسلے ٨ ستمبر ١٩٣٣ء کوں سانگلی بمبئی وِچ ڄَمّی ہئی۔ آشا بھوسلے دے اَبّا دینا ناتھ منگیشکر تھیٹر دے اداکار اَتے ڳائیک وی ہَن۔ ١٩٤٢ء وِچ جِہڑیلے اُنّھاں دی عمر ٩ ورھیاں دی ہئٰ تاں پِیؤ دینا ناتھ منگیشکر فوت تِھی ڳیا۔ پِیؤ دے مرݨ دے بعد ٹَٻَّر پونے توں کولہاپور اَتے بعد وِچ بمبمئی ٹُر ڳیا۔ بمبئی ٹِک پووݨ دے بعد اپݨی بھیݨ لتا منگیشکر دے نال ڳائیکی جاری رکھی۔ آشا بوسلے نے پہلا ڳاݨاں ١٩٤٣ء وِچ ١٠ ورھیاں دی عُمر وِچ ڳایا جیڑھا (چلا چلا نَو بھلا) ہئٰ اِیہ ڳاݨاں ہِک مراٹھی فلم مجھا بَل دا ڳاݨاں ہئی اَتے اِین٘دی موسیقی دَتہ شنکر دَیو جے کار نے مرتب کِیتی ہئی۔ ١٩٤٨ء وِچ "ساون آیا" ڳاݨاں مقبول تِھیا اَتے ١٩٤٩ء وِچ رات دی راݨی دے ڳاݨے ریکارڈ کروائے۔[١]

ازدواجی حیاتی[لکھو | ماخذ وچ تبدیلی کرو]

١٩٤٩ء وِچ گنپت راؤ بھوسلے نال شادی کر گِھدّی جیڑھے لتا منگیشکر دے ذاتی سیکرٹری ہَن۔ بد قسمتی نال اِیہ شادی نا کام تِھی ڳئی۔ [١]

ڳائیکی[لکھو | ماخذ وچ تبدیلی کرو]

آشا بھوسلے دی مہان٘در اُوں ویلے تھئی جِہڑیلے ١٩٥٤ء وِچ راج کپور نے اُنّھاں کوں فلم بوٹ پالش دا ہِک ڳاݨاں "ننھے مُنے بچے" کِیتے سائن کِیتا اِیہ ڳاݨا آشا بھوسلے نے محمد رفیع دے نال ڳایا جئیں اُنّھاں کوں مہان٘در دی پوڑھی چڑھایا۔ موسیقار او پی نئیر نے ١٩٥٦ء وِچ سی آئی ڈی کِیتے آشا بھوسلے کوں سائن کِیتا۔ بی آر چوپڑا نے ١٩٥٧ء وِچ فلم "نیا دور" کِیتے سائن کِیتا اِیں فلم دے سبھے ڳاݨے ساحر لدھیانوی دے لِکّھے ہوئے ہَن۔ ١٩٥٧ء وِچ "نیا دور" ہِک پہلی فلم ہئی جین٘دے سبھے ڳاݨے آشا بھوسلے کوں ݙِّتّے ڳئے ہَن اَتے اِیں فلم دی ہیروئن ویجنتی مالا ہَن۔ [١]

حوالہ جات[لکھو | ماخذ وچ تبدیلی کرو]

  1. ١.٠ ١.١ ١.٢ ١.٣ ڈسکوجس آرٹسٹ آئی ڈی: 56675 — بنام: Asha Bhosle — اخذ شدہ بتاریخ: 9 اکتوبر 2017