آفاق بلوچ

آفاق بلوچ سرائیکی شاعر ہے۔

ڄم پل

سردار گڑھ رحیم یار خان نال تعلق ہے۔

نمونہ کلام

غزل

ہنج لکا گھن ڈھانوݨ نہ ݙے

اکھ توں باہر آنوݨ نہ ݙے

گھر فصلاں برباد جو کرے

ربا ایجھا سانوݨ نہ ݙے

بزدل نہ تھی اپݨی بھوھیں تے

کہیں کوں پیرا پانوݨ نہ ݙے

دل دی من تے ویندا پیاں میں

پیریں دے وچ ݙانوݨ نہ ݙے

سیاݨاں تھی ھن زندگی اپنی

کہیں کوں یار ہنڈانوݨ نہ ݙے

کر آفاق توں آپ حفاظت

حق ظالم کوں کھانوݨ نہ ݙے

۔۔۔۔۔۔۔آفاق بلوچ سردار گڑھ

غزل

وقت ھݨ یار بدلدا ݙیکھیں

ظلم دا سورج ڈھلداݙیکھیں

آہ غریب دی عرش تے پنی

عرش خدا دا ہلدا ݙیکھیں

شیر تےبکری کٹھےچرسن

ایں انصاف عدل دا ݙیکھیں

ملک ءچ اتنی ترقی تھیسے

ھاں دشمن دا ݙلدا ݙیکھیں

سٹ پردیس آفاق وطن تے

ھر ہک بندہ ولدا ݙیکھیں

۔۔۔آفاق بلوچ سردارگڑھ

ݙوہڑہ

ہاسےخوش وسدے وچ خوشیاں دےݙتےدر دردیں دا کھول کہیں

ساݙے حصے نفرت عام رھی بھریے الفت دے کشکول کہیں<

سم گئے ھن زخم پراݨیں تھی ݙتے زخمیں کوں وت چول کہیں

ساݙے حال آفاق توں کیا پچھدیں ݙتی جھݨک کہیں ماریے بول کہیں

۔۔۔آفاق بلوچ سردارگڑھ

حوالے

[[ونکی:سرائیکی شاعر]]