کِلـے بـانـدر
کلے باندر ایں کھیݙ وچ پڳیا ویندے یا پُکھے پاتے ویندن. جیندے اتے واری آ ونجے او ہک کلے نال ٻدھئیے ہوئے رسے کوں پکڑ گھندے تے اوں کلے نال سارے اپڑیاں جتیاں لاھا تے رکھ ݙیندن. واری ݙیوݨ آلا انہیں جتییں دی حفاظت کریندے پر شرط ہوندی ہے رسی بالکل سدھی رکھے ڈھلی نہ کرے. ول او اوں رسے کوں پکڑ گول گول چکر لیندے کھڑا. ݙوجھے بندے جتیاں چانوݨ دی کوشت کریندن. جتیاں مکݨ توں پہلے کہیں بندے کوں ہتھ لڳ ونجے تاں اوں بندے تے واری آ ویندی ہے ناں تاں جتیاں مک ونڄݨ تے واری ݙیوݨ آلا بندہ طے تھئی ہوئی پیڑھی(نشان) کوں ہتھ لا تے واپس اوں رسی کوں آن پکڑیندے.ایں دوران کلے توں پیڑھی تک تے پیڑھی توں واپس کلے تک سارے اوھے کھلے واری ݙیوݨ آلے کوں کھیݙݨ آلے ہتھوں چھوڑویں مریندن. ہر بندہ آپݨے چاتے ہوئے کھلے واری ݙیوݨ آلے کوں مریندے. جتیاں سخت یا نرم ہر کئی پہلے طے کر گھندے. واری ݙیوݨ آلا ول واری ݙیندے تے اے سلسلہ ایویں چلدے پیا جے تونڑیں کہیں ٻئے تے واری نہ آونجے. [[ونکی:سرائیکی کھیݙاں]]