ݙِِیٹی ݙناں
ݙِیٹی ݙَنّاں: اے کھیݙ کھیݙݨ کیتے کوئ پَنج چِھی انڳل لمبی تے انوٹھے جِتی ٹُھلی لَکݨ کُوں گَھڑ گَھڑ تےݙوہائیں پاسوں نوکدار بَݨا گِھدا وین٘دےتےاینکوں ݙِیٹی سَݙیاوین٘دے،شہراں وچ اینکوں گُلی ڈنڈا سݙیا وین٘دے،ݙِیٹی کوں زمین اُتے رکھ ݙِتا وین٘دے،تاں اِین٘دیاں ݙُوہائیں نُوکاں یا چُنجاں زمین کنوں اُچیاں رہ وین٘دن ـ جیکر انہاں چُنجاں وچ کہیں ہِک تے ݙَنے یا پَتلی سوٹی نال سَٹ ماری وَنڄے تاں ݙِیٹی ٹَپ کھاتے زمین کنوں اُچی چو وین٘دی اے،تے کھیݙݨ والا کھݙاری تِکھے تِکھے ݙَنے نال اُونکوں سَٹ مار تے پرے سَٹݨ دِی کوشش کرین٘دے. ݙِیٹی جِتی پَرے ون٘ڄ پون٘دی اے،اُتنی کھݙاری دی کامیابی سمجھی وین٘دی اے بلکہ سَٹ نہ مار سڳݨ والا ہار وین٘دے تے ݙوجھا کھݙاری واری گھندے،شہراں وچ جتھاں کھیݙݨ کیتے کُھلی جاہ مِل وین٘دی اے،ݙِیٹی ݙَناں گُلی ݙنڈے دے ناں نال کھیݙیا وین٘دے ـ پر ہُݨ تاں کرکٹ دِی بیماری اساݙیاں کھیݙاں چَٹ کرگئ اے.