یوسف سنجراݨی

یوسف سنجراݨی سرائیکی شاعر ہے.

ڄم پل

تونسہ شریف نال تعلق ہے.

نمونہ کلام

غزل

ولا کوئی حادثہ تِھیندے تاں تِھیووے

زمانہ کربلا تِھیندے تاں تِھیووے

یزیدیں نال ساڈی جنگ راہسی

جے سِر دَھڑ توں جُدا تِھیندے تاں تِھیووے

تسلی نال خنجر تیز کر گِھن

میڈا سجدہ قضا تِھیندے تاں تِھیووے

اَساں  اج دل دِیاں تاکیاں کھول چھوڑین

کوئی قیدی رِہا تِھیندے تاں تِھیووے

میں ہُݨ بلکل وی چُپ کائنا کریساں

ختم منہ دا آلا تِھیندے تاں تِھیووے

آساں دستار پیریں رکھ ڈتی ہے

اجاں وی او خفا تِھیندے تاں تِھیووے

ولا جلوہ ڈیکھا ہک وار ساکوں

جے روہ کیری ولا تِھیندے تاں تِھیووے

کلیجہ کڈھ کے پیریں رکھ ڈتے سے

اجݨ وی بے وفا تِھیندے تاں تِھیووے

آساں ہݨ سر  نوا چھوڑیا ہے یوسف

صنم جیکر خدا تِھیندے تاں تِھیووے

   سئیں یوسف سنجرانی

غزل

دل وچوں ایہ آواز آندی ہے

ݙیکھ ہاں مونجھ چیوو چاہندی ہے

ہجر کھا گئے میکوں تاں مسئلہ نئیں

ہر شئے اپݨا نصیب کھاندی ہے

سامݨے بھاویں کربلا ہووے

دل کݙاں یار کولوں راہندی ہے

میں تیکوں بھل کݙاہیں نمہی سگدا

توں بھلا ݙے جے تیکوں ٹھاندی ہے

غم میݙی ذات کوں ڳولیندے ہن

کونج دریا تیں ونج کے لاہندی ہے

میں اوندے پیریں ایں پیاں یوسف

جیویں دیوار بھوئیں تیں ڈھاندی ہے

یوسف سنجرانی