یزید دوم بن عبدالملک

یزیدی دور دے سکے

یزید بن عبدالملک، (720-724), عمر بن عبدالعزیز دی شہادت دے بعد تخت نشین تھیا۔ ایہ ہک اوباش تے عیاش طبع انسان ہئی۔ عمر بن عبد العزیز، سلیمان بن عبدالملک دی وصیت کوں کالعدم قرار ݙے کے یزید دی نامزدگی کوں ختم نہ کر سڳے تاہم وفات توں قبل سݙ کے اینکوں عدل و انصاف نال حکمرانی کرݨ دی تلقین کیتی۔ یزید ثانی ہک نااہل حکمران ہئی۔ چنانچہ ایندے عہد حکومت وچ قبائلی تعصبات دے علاوہ خوارج تے دیگر مخالفین نے سر چاوݨ دی کوششاں کیتیاں۔ یزید ثانی دا دور بنوامیہ دا بدترین دور ہئی۔ ایں دور وچ بنو امیہ دے زوال دا آغاز تھیا۔ تمام مملکت ایندی سیاہ کاریاں تے نااہلی توں متاثر ہئی۔ لوگ معاشرتی برائیاں توں تنگ آکے صدائے احتجاج بلند کریندے پئے ہن۔ ہر طرف ابتری تے انتشار دا دور دورہ ہئی۔ ایں دور وچ عباسی دعوت تے پراپیگینڈے دا آغاز تھیا جیہڑا بنی امیہ دی خلافت دے خاتمے دا سبب بݨا۔

وفات

ہک ݙینہ یزید بن عبدالملک اپݨی محبوبہ، حبابہ دے نال باغ وچ داد عیش ݙیندا پیا ہئی کہ از راہ مذاق اوں نے ہک ڳٹک، حبابہ دے منہ وچ سٹی جیہڑی اتفاق نال اوندے حلق وچ اٹک کے رہ ڳئی جیں دی بنا تے اوندی موت واقع تھی ڳئی۔ یزید ثانی تے ایں ناگہانی حادثے دا بے حد اثر تھیا تے اوہ ترئے ݙینہ تک اوندی لاش نال لپٹ کے روندا رہا۔ بڑی مشکل نال اونکوں جدا کیتا ڳیا لیکن اوہ ایں صدمہ جانکاہ توں بچ نہ سڳا تے ہک ہفتے بعد خود وی راہی ملک عدم تھیا۔