ہک پھیریں (حکایت)
حکایت
ہک پھیریں.....
اوہ ہک باغ وچ پُجیے جیڑھا باغ نہ ہا ' اوں باغ وچ پُھل جیڑھے پُھل نہ ہَن تے پکھی جیڑھے پکھی نہ ہَن
باغ وچ ندی جیڑھی ندی نہ ہئی ' اُنہاں ہک بیڑی وچ سَیل کیتی جیڑھی بیڑی نہ ہئی ' اوہ پار پُجے جیڑھا پار نہ ہا ' مچھیرے نہ ہَن پر مچھیاں پئے پکڑیندے ہَن تے جیڑھیاں پکڑیجیاں اوہ مچھیاں نہ ہَن ' اوہ جنگل وچ پجے جیڑھا جنگل نہ ہا ' اتھاں انہاں پری ڈٹھی جیڑھی اتھاں کینھاں ہا ' اوہ ولدا اپنڑے شہر پُجے جیڑھا اُتھاں کڈاہیں نہ ہا ' ہجوم وچوں لنگھے جیڑھا موجود نہ ہا ' اِتھاہیں اُنہاں کوں اپنڑے بارے وہم پیا
اوہ ولدا باغ وچ پُجیے ' باغ اُتھاں موجود ہا تے ہر شے ولدی اپنڑی جاہ تے آگئی ہئی. (رفعت عباس)