ہک پراݨا سٹڈی سرکل

وکیپیڈیا توں

مظہر لغاری حیدرآباد دے راہوݨ آلے ہک شاعر،سندھی قوم پرست صحافی تے سماجی شعبے اچ کم کرݨ آلے رہنما ہن۔انہاں دی سیاست،فلسفہ،تاریخ تے ادب تے گہری نظر ہا۔اوہ ہک عرصہ تک اساݙے نال سیپ پاکستان اچ کم کریندے رہ ڳئے ہن۔انہاں دی بیگم محترمہ تسلیم لغاری وی سیپ پاکستان اچ کم کریندی ہن،ڄہڑیاں اڄ کل ایکشن ایڈ انٹرنیشنل اچ کم کریندیاں پئیاں ہن تے مظہر لغاری خود نیشنل ڈیموکریٹک انسٹی ٹیوٹ اچ ہن۔ سیپ پاکستان لاہور آفس دی ہک عرصہ تک ریت رہی ہے ڄوصبح سارے سڄݨ دفتر پہچݨ توں بعد چاہ دی پیالی تے سگریٹ دے دھوئیں تے اکٹھے تھی کے مختلف موڄوضوعات تے گپ شپ کریندے ہن جیندے اچ کݙائیں کݙائیں جناب محمد تحسین تے عرفان مفتی صاحب وی شریک تھیندے ہن تے اپݨی اپݨی آرا ،تبصرے ورتیندے تے دانش دے پھل سٹیندے ہن۔اس محفل اچ سائیں امجد نذیر،جناب شرجیل احمد ،شیراز راج ،چودھری انور مرحوم ،دیوان وسیم اکرم ،سلیم خان ،مظہر لغاری ،عامر راݨا ،محترمہ عظمیٰ زریں ،محترمہ تسلیم ،جناب زبیرشیخ،کامریݙ اکرام عارفی ،عباس صدیقی ،آصف راݨا،ناچیز تے ݙوجھے کئی مزماݨ کامریڈ شریک تھیندے ہن ،کئی دوست ایسے وی ہن جنہاں کوں اے محفل ہک اکھ نائی بھاندی تے اوہ اس دے خاتمےدیاں تدبیراں کریندے راہندے ہن۔ تاریخ ،فلسفہ ،ادب ،سیاست ،معاشیات ،انسانی حقوق ،زراعت تے کسان ،جینڈر حتیٰ کہ کہڑا موضوع ہا ڄہڑا زیر بحث نائی آندا ۔انہاں دی دانشوری ،تجزیئے ،تبصرے تے آرا توں بعد کئیں کئیں ݙینہ تاں انڄ لگدا ہا ڄو انقلاب ٻس سیپ پاکستان دے دروازے تے آیا کھولتا ہے ۔انہاں کامریڈاں چوں کئی کامریݙاں تاں قسم چائی ہوندی ہا ڄو اپݨے نال سگریٹ گھن کے نہی آوݨراں تے منگی تنگی تے گزارا کرݨا ہے۔

سیپ پی کے ،دے دوست کݙائیں کݙائیں سائیں مظہر کولوں سندھی شاعری وی سݨسے ہن جہڑی کمال دی شاعری ہوندی ہا۔ہک ݙینہ دوستیں مظہر سائیں کوں آکھیا ڄو مظہر سائیں اج سچل سرمست دی سرائیکی شاعری تھی ونڄیں۔انہاں شاعری سݨاوݨ دی بجائےسگریٹ دا کش لا کے دھواں دفتر دی چھت ول کݙھیندیاں ہویاں ہک واقعہ سݨاوݨا شروع کر ݙتا۔

"سندھ اچ ہک ڳوٹھ( مینوں اس دا ناں بھل ڳیا ہے) ،ڄہڑی انڈیا دے باڈر دے قریب ہے تے اس دے نال پاکستانی فوج دی چوکی ہا ڄس دے اتے پاکستان تے پاکستانی فوج دی ہک یونٹ دے مخصوص ڄنݙھے لگے ہوئے ہن ۔ چوکی دے سپاہی ہر ݙوجھے تریڄھے ڈیہنہ آ کے ڳوٹھ آلیاں کولوں چھترا( بکرا) گھن ویندے ہن، ہک ݙینہ ڳوٹھ دے لوکاں ݙتھا ڄو پہلے آلے جھنڈے لہا ݙتے ڳئے ہن تےانہاں دی ڄھا ہ تے نویں رنگ دے جھنݙے لا ݙتے ڳئے ہن ۔ݙوہائیں جنݙھیاں دا رنڳ تاں تبدیل تھی ڳیا ہا لیکن چھترا( بکرا) وت وی ویندا رہیا ۔ ۔کجھ عرصے بعد ولا پہلے آلے جھنݙے لا ݙتے ڳئےتے ولا وی بکرا گھنݨ دا کم جاری رہیا۔ہک ڈیہنہ فوجی بکرا گھنݨ ڄو آئے تاں ڳوٹھ دے ہک کسان پچھ ڳݙا ۔سائیں ! اے ڄھنڈیاں دا رنگ کیوں بدلیندے راہندے او؟فوجیاں اوں کوں حیرت نال ݙٹھا تے آکھیا تہاکوں کوئی پتہ کونی؟کسان آکھیا،نہیں ادا اساکوں تاں کوئی پتہ کونی۔فوجیاں ݙسایا ڄو اساݙی چوکی تے انڈیا دا قبضہ تھی ڳیا ہا ڄہڑا ہک مہینے تک قائم رہیا تے انہاں دے فوجیاں اساݙے جھنڈے پٹ کے اپݨے لا چھوڑے ہن ،اساں ہݨ قبضہ چھڑوا گھدا ہے تے اپݨے جھنݙے لا ݙتے ہن۔ سندھی ماݨوں بے بسی دے لہجے آکھیا" انڄیں ہوسی،اساݙے کول تاں او وی بکرا گھن ویندے ہن تے تساں وی بکرا گھن ویندے او،اساکوں کیا پتہ کیا تھیندا ودا ہے"

سڄݨو ! اس تھوڑے لکھیا کوں ٻہوں سمجھیا ونڄیں تے آخر اچ افضل عاجز دا ہک شعر تھی ونڄیں۔ آخر آݨ میں مسئلہ کھولیا.

رڄ تے بھک دا سارا رولا

تیݙا بنگلہ میݙا کھولا

توں جتیوں تے میں ہاری

ٻس وے ڈھول بازاری

حوالے[لکھو | ماخذ وچ تبدیلی کرو]