ہارون بن مُوسیٰ

ہارون بن موسیٰ: سَبھ تُوں پہلے اساں مُلتان دے ہِک وَݙے دینی شاعر ہارون بن موسیٰ مُلتانی دا تذکرہ کرین٘دوں.ہن٘دوستان دے عظیم عربی شُعراء دا تذکرہ کرین٘دیں ہوئیں ڈاکٹرحامد علی خان آہدن 'میݙی نظر وچ ہن٘دوستان دا سَبھ تُوں پہلا ٻہوں وَݙا عربی شاعر ہارون بن موسیٰ مُلتانی ہن جاحظ اُونکوں مُلتان تے اُون٘دے نیڑے تیڑے دا سَبھ تُوں وَݙا شاعر قرار ݙتے.اُ٘ون٘دے قصائد تے مُختلف عربی اشعار جاحظ نے'"کتاب کیواں"'وچ نقل کیتن.میرحسان الحیدری تاریخ سن٘دھ دے مُصنف مولانا مُظفرندّوی دے حوالے نال آہدن کہ تمام مورخین دا ایں ڳالھ تے اتفاق ہےکہ ہارون بن مُوسیٰ مُلتانی عربی دے علاوہ مقامی زبان مُلتانی وچ وی شعرآہدا ہَئ تے مقامی ٻُولی دے اشعار بزم تُوں زیادہ رزم نال تعلق رکھدے ہن.ایں لحاظ نال ہارون بن موسیٰ مُلتانی سَتویں صَدی عیسوی دا پہلا سرائیکی شاعر اے