ڳنڈھیں ٻدھݨ
ڳنڈھیں ٻدھݨ
پرنے دے آہر سانگے ساریں توں پہلی رسم گنڈھیں ٻدھݨ ہوندی اے ایں رسم کیتے سبھائیں توں پہلوں وݙ وݙیرے کٹھے کیتے ویندن تے سارے دھیتے در تے کٹھے تھیندن. اتے برادری یا کٹھ دے مطابق مٹھائی وی منگوائی ویندی ھ کجھ سال پہلے تپاسے یا نصری منگوائی ویندی ہئی. ول وݙ وݙیرے دھیتیاں نال رشتے دی ڳالھ پکی کریندن، انہاں دی رضامندی پچھدن، ول تریخاں پکیاں کیتیاں ویندین. وݙ وݙیرے، دھیتے پتریتے ݙونھائیں ہک ٻئے نال ہر حوالے نال ݙیکھ بھال کرتے پرنے دی تریخ طے کرݨ توں بعد دعا خیر دی واسطے خیر دے آکھ ہتھ چیندن تے ہک بزرگ یا کئی مولوی دعا منگویندے، تے رب کولوں ݙونہاں ٹٻراں کیتے دعا منگدے، دعا منگویج ونڄݨ توں بعد مٹھائی ونڈی ویندی اے، مٹھائی زیادہ تر نئی ونڈیندے جیہڑے کانڈھے پھیرݨے ہوندے، جے نئی ناں ہووے تاں ول کئی بزرگ ونڈیندے، تے ایں خوشی دا منڈھ رکھیج ویندے.