گریبان تے ہتھ

ہُݨ گریبان تیں ہتھ آ گئے ہُݨ سرداریں کوں پیریں کوں سوچ سمجھ کے عام بندے دے اگو کھڑݨاں پوندے، اجاں اگوں تیں ڈیکھائے جڈاں تھاکوں سڑکیں تء گلیں ءچ گھیلا ویسی، میڈیا اکھیں ٹھرسن، جو تھیندا پئے بلکل صیح تھیندا پئے، میڈیں نسلیں دے دشمن، میڈے وصبے دے دشمن، میڈی وستیں دے دشمن، انجام ڈیکھو، اینجھے واقعے ڈیکھ کے میکوں دلی خوشی تھیندی ھے جی ھا میں باغی ھاں ایں پورے نظام دا، میڈا فتوی ھے انھیں کوں سلام ڈیوݨ حرام ھے.

پنج سال مہاجر ہک مہینہ مقامی، میڈیں نسلیں دے سرکاری سکول تباہ کرکے اکیڈمی جھئیاں دوکاناں ڈیوݨ آلے تاجر، سرکاری ہسپتالیں کوں ویچ کے پرائیویٹ کلینک بڑواݨ آلے رھزن، اج ایں گال تیں ناراض ہن ساڈے نال عوام دا لہجہ سخت ھے، میں آھداں اجاں اے شعور دی پہلی سیڑھی ھے، جڈاں شعور ڈوجھی پؤڑی تیں آیا اگر تساں آپڑیں محل دے باہرو نیں نکل سگڑاں، پَر میں شعور دی انہتا چاھنداں، میڈیاں سکدیاں اکھیں ڈیکھن جڈاں تھاڈیں محلیں کوں یتیم خانہ بݨایا ویسی، جڈاں تھاڈیاں گڈیاں کہیں سکول و کالج دے طالبعلمیں کوں گفٹ کیتا ویسن، تھاڈیاں نسلاں ساڈے بالیں دے کٹھے ٹاٹ تیں بیھ پڑھسن، لازم ھے کہ ہم بھی دیکھیں گے.