کچنال
کچنال (کچنار) ہک درخت ہے جیندے بور تے پھلاں کوں بطور سبزی استعمال کیتا ویندئے.
کچنال ہک درمیانے قد دا درخت ہے جہڑا عموماً 10 توں 12 میٹر اُچّا ہوندا ہے۔ ایں دا اصل وطن جنوبی ایشیا اتے چین ہے۔ ایندے اُتے گلابی یا جامنی رنگ دے سوہݨے سوہݨے اتے خوشبودار پھُل تھیندن۔ پھُلاں دی کثرت دی وجہ کنوں لوک اینکوں آپݨے گھراں وچ سُہݨپ کیتے وی لیندن۔
ایندیاں کلیاں پاکستان تے بھارت وچ سبزی دے طور تے پکیندن۔ سرائیکی علاقے وچ کچنال قیمہ مرغوب پکوان ہے۔
