کُوڑ

کُوڑ کیکوں اہدن

کہیں دے بارے خلافِ حقیقت خبر ݙیوݨ کوں کُوڑ آکھیا ویندے۔ قائل(یعنی کوڑی خبر ݙیوݨ آلا)گنہگار اونویلے تھیسی جیکر او بلاضرورت ڄاݨ ٻجھ کے کوڑ(جھوٹ) مارے۔(حديقہ ندیہ،4/ 10)

احادیث دی روشنی اچ کوڑ دی مذمت

احادیث مبارکہ اچ کوڑ دے کجھ نقصان اے ہن؛ جیہڑے ویلھے بندہ کوڑ مریندے اوندی بدبو کولوں فرشتہ ہک میل پریں(دور)تھی ویندے۔ (ترمذی، 3/392، حدیث1979)

کوڑ مارݨ سب توں وݙی خیانت ہے۔(ابوداود،4/381، حدیث: 4971) 

کوڑ ایمان دے مخالف ہے۔(مسند امام احمد، 1/22، حدیث:16)

لوکیں کوں کھلواوݨ واسطے کوڑ مارݨ آلے کیتے ہلاکت ہے۔ (ترمذی،4/142، حدیث:2322)
لوکیں کوں کھلواوݨ واسطے کوڑ مارݨ آلا دوزخ دی اتنی جِھک( گہرائی) اچ ڈھہندے جو آسمان و زمین  درمیانی فاصلے کولوں زِیادہ ہے۔ (شعب الایمان، 4/213، حدیث:4832)
کوڑ مارݨ نال منہ کالا تھیندے۔ (شعب الایمان،4/208، حدیث: 4813) 

کوڑی ڳالھ کرݨ کبیرہ گناہ ہے۔ (معجم کبیر،18/140، حدیث:293 ملخصا) کوڑ مارݨ منافق دی نشانیاں وچوں ہک نشانی ہے۔ (مسلم، ص 50، حدیث:106)

کوڑ مارݨ آلے قیامت دے ݙینھ اللہ کریم دے نزدیک سب توں زیادہ ناپسندیدہ افراد اچ شامل ہوسن ۔ (کنز العمال،16/39، حدیث:44037)