کشمالہ انجم

کشمالہ انجم، ہک اداکارہ تے ماڈل اے. سرائیکی گیتاں وچ وی مادلنگ کریندی اے، اصغر بہاولپوری نال ہک خوبصورت سرائیکی کافی وچ ماڈلنگ کیتی ہیسی. تعلق بہاولپور شہر نال اے. اے سرائیکی کافی حضرت خواجہ غلام فرید رحمۃ اللہ علیہ دی دے کلام وچوں منتخب کیتی ڳئی جینکوں خان پور کٹورہ نال تعلق رکھݨ والے ہک معروف کلاسیکل سرائیکی ڳوئیے نے ڳایا. اینکوں لاہور دے شاہی قلعے وچ پکچرائز کیتا ڳیا. لاہور دے شاہی قلعے تے ایں خوبصورت گیت دی پکچرائزنگ ہک کمال شاہکار اے.

او کافی درج ذیل اے:

ہر دل جو دلدار، یار مُہنجو

سوہنڑیاں جو سردار، یار مُہنجو ........

کِتھ مُلاں کِتھ آمر، ناسی

کِتھ منصور تے دار، یار مُہنجو ........

آپ چُھپاوے راز حقیقی

آپ کرے اِظہار، یار مُہنجو ........

کِتھ بُلبُل کِتھ گُل جی صورت

برگ کِتھاں کِتھ خار، یار مُہنجو ........

کِتھ سُرخی کِتھ ناز نزاکت

کِتھ کجلا کِتھ دھار، یار مُہنجو ........

کِتھ ڈھولک کِتھ تان ترانہ

کِتھ صوفی سرشار، یار مُہنجو ........

کِتھ عابد کِتھ نفل دوگانہ

کِتھ کیفی میخوار، یار مُہنجو ........

کِتھ عاشق کِتھ درد کشالے

کِتھ دلبر غمخوار، یار مُہنجو ........

یار فرید نہیں وچ پردے

خود پردہ ہے یار، یار مُہنجو

کشمالہ انجم، اداکاری دے فن وچ کمال مہارت رکھݨ والی ہک پرکشش تے خوبرو اداکارہ اے. بنیادی تعلق بہاولپور شہر نال اے مگر ہݨ لاہور وچ رہائش پذیر اے.