کروموپیتھی
کروموپیتھی[لکھو | ماخذ وچ تبدیلی کرو]
کروموپیتھی ہک ایہوجیہا طریقۂ علاج اے جیندے وچ رنگاں تے رنگین شعاواں تے روشنی کوں استعمال کریندے ہوئے جسم کوں صحت مند کرݨ تے شفاء حاصل کرݨ دی کوشش کیتی ویندی اے تے اے طریقہ علاج، نیچروپیتھی (قدرتی طریقہ علاج) دی ہک شاخ اے. ایں طریقہ علاج وچ بیماری دی تشخیص دے دوران اے ݙٹھا ویندے کہ کیہڑے کیہڑے رنگاں دی کمی یا بیشی ایں مرض دی وجہ بݨی اے. ایں تشخیص دے بعد مریض وچ انہاں رنگاں دی کمی کوں دور کرݨ واسطے اقدامات کیتے ویندن تاکہ ایں کمی دے دور تھیوݨ نال شفا حاصل تھیوے یا او رنگ جنہاں دی جسم وچ زیادتی تھی چکی ہووے، انہاں رنگاں دا اثر زائل کرݨ تے اعتدال قائم کرݨ واسطے ݙوجھے رنگ تجویز کیتے ویندن.
علاج دا طریقہ[لکھو | ماخذ وچ تبدیلی کرو]
رنگاں نال علاج کرݨ واسطے مندرجہ ذیل طریقے اختیار کیتے ویندن:
- مطلوبہ رنگ دا مراقبہ
- مطلوبہ رنگ دے شیشے دی بوتل وچ پاݨی یا تیل پا کے مخصوص وقت تک دھپ وچ رکھ کے، تیل دی مالش یا پاݨی دے خوراکاں دا استعمال
- لوݨ دے لیمپ دا استعمال
- کمرے وچ مختلف رنگاں دے بلب دا استعمال
- سجھ دی روشنی دے ذریعے علاج
- چندر دی روشنی دے ذریعے علاج
ایندے علاوہ کئی ݙوجھے طریقے وی موجود ہن. پاکستان وچ ایں طریقہ علاج دے ماہرین وچ ڈاکٹر مقصود الحسن عظیمی قابل ذکر ہن. کراچی وچ مرکزی خانقاہِ سلسلہ عظیمیہ وچ وی ایں طریقہ نال علاج کرݨ والے ماہرین موجود ہن.
رنگاں دے خواص[لکھو | ماخذ وچ تبدیلی کرو]
رنگ و روشنی نال علاج کرݨ واسطے مختلف رنگاں دے خواص کوں مد نظر رکھ کے علاج کیتا ویندا اے.