کرناٹک دے نواب

Flag of the principality of Carnatic کرناٹک دا نوابی نشان

کرناٹک (آرکاٹ) دے نواباں نے جنوبی بھارت دے مشرقی حصے تے 1690ء توں 1801ء تک حکومت کیتی۔ ابتدا وچ انہاں نے آرکاٹ، ویلور شہر کوں اپݨا دار الحکومت بݨایا ہئی۔ انہاں دا عرصۂ اقتدار تامل ناڈو دی تاریخ وچ ہک اہم دور ہے، جس وچ مغلیہ سلطنت دا شیرازہ بکھردا چلا گیا تے متحدہ ہندوستان وچ طوائف الملوکی دا دور دورہ ہئی۔ اس پرآشوب دور وچ انگریز نت نویں پالیسیاں تے سازشاں نال ملک دے چپے چپے تے قابض تھیندے ویندے ہن تے تمام ملک ہمالیہ توں گھن کے راس کماری تک قتل، غارتگری تے لٹ مار دی جولان گاہ بݨا ہویا ہئی۔

کرناٹک دے نواب محمد علی خان والاجاہ

ماضی دا کرناٹِک موجودہ تامل ناڈو تے آندھرا پردیش دے نال واقع ہئی، شمال وچ دریائے کرشنا توں جنوب دے کولیدم دریا تک وسیع تے مغرب وچ کڈپہ، سیلم تے ڈنڈیگل ہن، جیہڑے بعد وچ سلطنت خداداد میسور دا حصہ بݨے۔

عام طور تے مشرقی گھاٹ تے ساحل کورامانڈل تے مغربی گھاٹ دے درمیان وچ جنوبی بھارت دے علاقے کوں کرناٹک دا ناں ݙتا ویندا ہئی۔ کرناٹک، پالگھاٹ توں بیدر تے شمال وچ آندھرا پردیش دے گنٹور ضلع توں جنوب وچ راس کنیاکماری تک وی کہیں حد تک آکھا ویندا ریہا ہے۔

تاریخ

کرناٹک دے نواباں دا سلسلہ نسب خلیفہ دوم حضرت عمر بن خطاب نال ونج ملدا ہے۔ [١] نوابی سلسلے دی شروعات پہلے نواب ذوالفقار علی خان توں شروع تھیندی ہے جنہاں کوں 1692ء وچ مغلیہ شہنشاہ اورنگزیب عالمگیر نے مقرر کیتا ہئی۔ کرناٹک نوابی یا حکمرانی دے بانی ذو الفقار علی خان ہن۔ اس توں قبل ایہ حکمرانی مراٹھا سلطنت دے ماتحت ہئی جیہڑی راجارام چھترپتی دی حکمرانی وچ ہئی۔

کرناٹک یا آرکاٹ دے خودمختار تے صوبہ دار نواب

1. ذوالفقار نصرت جنگ، 1692ء توں 1703ء
2. داؤد خان پنی، 1703ء توں 1710ء
3. سعادت اللہ خان اول، 1710ء توں 1732ء
4. دوست علی خان، 1732ء توں 1740ء
5. صفدر علی خان، 1740ء توں 1742ء
6. سعادت اللہ خان دوم، 1742ء توں 1744ء
7. انورالدین خان 1744ء توں 3 اگست 1749ء

کرناٹک دے نیم آزاد نواب

1. انورالدین خان 1744 3 اگست 1749

یورپی ماتحتی وچ کرناٹک دے نواب

1. چندا صاحب، 1749ء توں 1752ء
2. محمد علی خان والاجاہ، 3 اگست 1749ء توں 16 اکتوبر 1795ء
3. عمدۃ العمراء، 1795ء توں 1801ء
4. عظیم الدولہ، 1801ء توں 1819ء
5. اعظم جاہ، 1819ء توں 1825ء
6. غلام محمد غوث خان، 1825ء توں 1855ء

کرناٹک دے علامتی امیر یا نواب

1. عظیم جاہ، 1867ء توں 1874ء
2. سر ظہیرالدولہ بہادر، 1874ء توں 1879ء
3. انتظام الملک، 1879ء توں 1889ء
4. محمد منور خان بہادر، 1889ء توں 1903ء
5. سر غلام محمد علی خان، 1903ء توں 1952ء
6. غلام محی الدین خان بہادر، 1952ء توں 1969ء
7. غلام محمد عبدالقادر، 1969ء توں 1993ء
8. محمد عبدالعلی، 1993ء توں ہݨ تک