کارٹون کہانی

کارٹون

کارٹون کوں سٹ نی لگدی،کوٹهے اتوں ڈهاوے بهانویں کندهی تلے آوے اوندی کهیڈ نی مکدی، شہر دی بهیڑ اچ پهس ونجے یا جنگل راہ وسارےاوندی راند نی کهٹدی، اوہ تاں اپنی جهمر پیندا ٹردا رہندے کارٹون بس ترٹ بهج ویندے،ہک پهیریں کئی بئی طرحاں ہوندے، ڈوجهی پهیریں بئی طرحاں جڑدے،اوندی سجی اکهہ کهبی تے کهبی اکهہ، کن دی جاه تے وی جڑ سگدی، اوندے ہتهہ پیر آپس وچ وٹیج وی سگدن، اوہ بهوئیں وچوں ڈسدے تے پانڑیاں تے کهڑ پوندے اونکوں حاکم نے کئی پهیریں قلعے اتوں ہیٹهه بهکوائے پر اوہ حالیں جیندے، اونکوں ول ول ہاتهیاں ہیٹهہ لتاڑیا، مٹیاں اتے لنبیا گئے، اوندے اتوں شاہی فوجاں پریڈ کریندیاں اکثر لنگهن پر اوہ اپڑیاں اکهیں بهویندا سر کوں مونڈهے نال جڑیندا، سنگتاں رلے ول دهرک پوندے.

رفعت عباس (بهوندی بهوئیں تے:1995)