ڈاکٹر محمد علی ݙاہا
علی ݙاہا دا تعلق سرائیکی وسیب دی تحصیل ڄامپور نال اے تے اے پیشے دے اعتبار نال ڈاکٹر ہن۔ چین اچوں ایم بی بی ایس مکمل کرݨ دے بعد پاکستان واپس آئے تے اپݨی طبی خدمات دے نال نال سرائیکی قوم و ثقافت دی ترقی دا عزم رکھدے ہوئے اپݨی جدوجہد تے محنت شروع کیتی۔ علی ݙاہا ہوراں نے سرائیکی سویلائزیشن پروٹیکشن ٹائیگرز (SCPT) دی بنیاد رکھی تے نسلی سرائیکی قبائل دے حقوق دی جنگ شروع کیتی۔ انہاں نے سرائیکی وسیب اچ موجود تمام نسلی سرائیکی قبائل دے حقوق تے ترقی دی ڳالھ ٹوری جیہڑے آبادکار پنجابیاں، نسلی پشتوناں ، بھارتی مہاجراں تے بلوچاں دے ہتھوں مسلسل استحصال تے ظلم دا شکار ہن۔ خاص طور ڈیرہ غازی خان ڈویژن اچ قابض متعصب بلوچ سرداراں کوں انہاں نے پوری طرح بے نقاب کیتا جیہڑے مسلسل نسلی سرائیکی قبائل دا استحصال کریندن۔ ایں موضوع تے انہاں نے سوشل میڈیا تے نسلی سرائیکی قبائل کوں جڳاوݨ دا آہر کیتا ، جیندے وچ کجھ عرصہ محنت دے نال انہاں کوں لوگاں اچ شعور پیدا کرݨ اچ کامیابی ملی تے ہݨ انہاں دا مشن کامیابی نال رواں دواں ہے۔