چھیکڑی ٻُدھ

چوری آلی عید

ہک مِٹھا، من بھانوناں تے محبتیں بھریا تہوار

سرائیکی وسیب دے دیہی علاقیں اچ اسلامی مہینے  صفر دا چھیکڑی ٻُدھ  کوں چوری آلی عید دا تہوار منایا ویندے۔ پہلے کنڑک دا موٹا ڈالا پینہوایا ویندے، ول توے تے اوندی موٹی روٹی پکائی ویندی اے۔ ایندے بعد اوندے ٹکڑے ٹکڑے کر تے اُکھلی اچ مولھے نال کُٹ تے اونکوں بریک کیتا ویندے تے بعد اچ اینکوں دیسی گھیو اچ تیار کیتا ویندے۔ مزیدار چوری تیار تھی ویندی اے۔

اے  تہوار  حضرت محمد ص دی اماں بی بی آمنہ سئین نال منسوب اے۔ آکھیا ویندے جو نبی سئیں بیمار تھئے تاں آپ دی اماں سئین منت منی جو آپ ص شفایاب تھیسن تاں او چوری ونڈیسن۔ ول آپ ص کوں اللہ سوہنے شفا ڈتی تاں صفر دے آخری بدھ کوں بی بی سئین منت پوری کیتی تے اوندی یاد اچ اے تہوار اے۔

اگرچہ ایندی بنیاد ہک غیر مستند روایت تے ہے مگر ایندے اچ کُئی غیر اسلامی گالھ کینی ایں سانگے قابل قبول اے۔  سرائیکی وسیب دے دیہی علاقیں اچ صدیں توں اے منایا ویندے۔ اے ہک مٹھا تے بہوں محبتیں آلا تہوار اے ۔