چنڑ

ضلع بہاولپور تے چولستان دا اکثریتی تے قدیم سرائیکی قبیلہ بھٹی راجپوتاں دی ہک شاخ اے، خاص طور تے بہاولپور تحصیل دا دیہی و شہری علاقہ ایں قبیلے دا مرکز اے. بہاولپور صدر دی سیاست تے بلدیہ وچ چنڑ قبیلے دا ٻہوں وݙا حصہ اے. زیادہ تر لوگ رڑھ واہی نال وابستہ ہن یا مویشیاں دے کاروبار نال منسلک ہن. کجھ تعداد سرکاری ملازمتاں وچ وی ہے. ایں قبیلے دے لوگ دلیر تے مہمان نواز ہوندن. چنڑ قبیلہ بہاولپور وچ سرائیکی ثقافت دی علامت اے تے بہاولپور شہر دے اردگرد دے دیہات تے وستیاں وچ ایں برادری دے گھر کثرت نال موجود ہن. اہم افراد وچ صوبائی وزیر تے ایم پی اے ملک اقبال چنڑ، ملک اعجاز چنڑ سابق تحصیل ناظم، حاجی ارشاد چنڑ تے پیپلزپارٹی نال تعلق رکھݨ آلے سرائیکی رہنما ملک امتیاز چنڑ شامل ہن۔ ادب دی دنیا نال تعلق رکھن آلے ساہیوال دے نواحی چک 75/5L توں حاجی پیر ذاکر حسین ذاکر چنݨ صاحب وی اس قبیلے نال تعلق رکھدن۔

بہاول پور صحرائے چولستان یزمان وچ حضرت چنݨ پیر سئیں دا دربار اے۔ حضرت چنݨ پیر سئیں اک ہندو راجا سادھارن (سندھیا) دے بیٹے ہن پراک معروف صوفی بزرگ حضرت جلال الدین سرخ پوش بخاری دی دعا دے وسیلے نال پیدائشی مسلم ولی ہن۔ ساری چنڑ قوم اس بزرگ حضرت چنݨ پیر وچوں اے۔ کئیاں روائتاں اچ اے کہ چنڑ قوم حضرت چنݨ پیر سئیں ہوراں دے حقیقی بھراواں دی اولاداے