چقندر
ایہ مٹھے ذائقے دی ہک مشہور سبزی ہے جینکوں سلاد، جوس تے دیگر کئی طرح نال استعمال کیتا ویندئے. چقندر دی چار خصوصیات درج ذیل ہن جنہاں کنوں تساں وی مستفید تھی سڳدے ہیوے۔ چقندر (Beetroot) پودے دی جڑاں ہن جنہاں کوں کھاوݨ، بطور سبزی تے سلاد دے طور تے استعمال کیتا ویندا ہے۔ چقندر ہک ایسی فصل ہے جس دا استعمال متعدد اشیاء دی تیاری وچ کیتا ویندا ہے۔ چقندر دی چار اقسام ہوندیاں ہن، ہک قسم چینی کڈھݨ کیتے جبکہ باقی سبزی دے طور تے استعمال تھیندے ہن۔ چقندر دی کاشت سولہویں صدی وچ یورپ توں شروع تھئی۔ اس اہم سبزی نے دنیا وچ جلد ہی ہک اہم مقام حاصل کر گھدا تے ایہ سب کجھ ہک نہایت قلیل عرصہ وچ سائنسی علوم دی بدولت تھیا. [١]
ایندے چند فائدے درج ذیل ہن:
مجموعی طور تے صحت کیتے مفید[لکھو | ماخذ وچ تبدیلی کرو]
چقندر وچ مینگانیز تے بیٹین کافی مقدار وچ موجود ہوندا ہے جیندے نال نروس سسٹم بہتر انداز وچ کم کریندا ہے۔ چقندر کوں لال رنگ ݙیوݨ آلے اجزاء بیٹالین تے ویٹامن سی قوت مدافعت وچ اضافہ کریندے ہن اتے بیماریاں کنوں بچاوݨ وچ کردار ادا کریندے ہن۔ ایہ کینسر سیلز کوں ڄمݨ کنوں وی روکیندے ہن۔ ایہ جوائنڈس، فوڈ پوائزننگ اتے ہیپاٹائٹس دی شدت گھٹ کرݨ وچ وی مدد کریندا ہے۔
ریلیکس رکھݨ وچ مدد کریندا ہے[لکھو | ماخذ وچ تبدیلی کرو]
ہک تھکا ݙیوݨ آلے ݙین٘ہ دے بعد چقندر نال بݨی چاء تہاکوں سکون فراہم کریسی کیوں جو ایندے وچ نرو سیلز کوں ریلیکس کرݨ آلے اجزاء شامل ہن۔ ایں کوں پیوݨ نال جسم وچ ہک ایجھے ہورمون دا اجراء تھیندا ہے جیکوں خوشی تے سکون آور سمجھا ویندا ہے۔
بلڈ پریشر کنٹرول کریندا ہے[لکھو | ماخذ وچ تبدیلی کرو]
ہر روز سویرے اٹھ تے ہک گلاس چقندر دے شربت نال بلڈ پریشر کنٹرول تھی ویندا ہے اتے خاص کر ہائی بلڈ پریشر دے مریضاں کیتے ایہ انتہائی مفید ہے۔ ایندے علاوہ ایہ دل دے امراض وچ وی فائدہ مند ہے۔
حاملہ خواتین کیتے مفید[لکھو | ماخذ وچ تبدیلی کرو]
تریمتاں دے ڈاکٹرز حاملہ خواتین کوں چقندر کھاوݨ دا مشورہ ݙیندیاں ہن۔ کیوں جو ایندے وچ وݙی مقدار وچ آئرن موجود ہوندا ہے جہڑا ریڈ بلڈ سیلز بݨاوݨ وچ مددگار ثابت تھیندا ہے اتے اکثر حاملہ خواتین دے اندر آئرن دی کمی تھی ویندی ہے۔
کاشت دے علاقے[لکھو | ماخذ وچ تبدیلی کرو]
پاکستان وچ چقندر دی کاشت موسم خزاں جبکہ کٹائی مئی تے جون میں کیتی ویندی ہے۔ فصل دی اچھی تے مناسب بڑھوتری کیتے ضروری ہے کہ ݙینہ دا درجہ حرارت 25 توں 30 درجہ تے رات دا درجہ حرارت 17 سے 20 سینٹی گریڈ ہووے. چقندر دی اچھی پیداوار حاصل کرݨ کیتے زمین زرخیز ہووݨی چاہیدی اے. وادی پشاور دی بیشتر زمین اچھی اقسام دی پیداوار کیتے موزوں ہے. شوریت تے سیم زدہ زمین چقندر دی کاشت کیتے موزوں نی. تجربات نال ثابت تھیا ہے کہ درمیانی زرخیز زمین تے اس دی پیداوار اچھی تھئی ہے۔ پہلے صرف پشاور، چارسدہ، صوابی تے مردان وچ چقندر دی کاشت کیتی ویندی ہئی مگر ہݨ ڈیرہ اسماعیل خان وچ وی اس دی کامیاب کاشت تھیندی پئی ہے. چقندر بھارت، پاکستان، شمالی افریقہ تے یورپ وچ کثرت نال سبزی دے طور پر کاشت کیتا ویندا ہے۔