پروفیسر احمد حسن دانی
پروفیسر احمد حسن دانی (20 جون 1920ء – 26 جنوری 2009ء) پاکستان نال تعلق رکھݨ والے نامور مفکر، مؤرخ، ماہر لسانیات، ماہر بشریات تے ماہر آثار قدیمہ ہن۔
ابتدائی زندگی[لکھو | ماخذ وچ تبدیلی کرو]
پروفیسر احمد حسن دانی کشمیری الاصل ہن۔ اوہ 20 جون 1920ء کوں بسنہ، چھتیس گڑھ، برطانوی ہندوستان وچ پیدا تھئے۔ انہاں نے 1944ء وچ جامعہ بنارس ہندو توں ایم اے کیتا۔ اوہ اس ادارے توں ایم اے دی ڈگری گھنݨ والے پہلے مسلمان طالبِ علم ہن۔ اگلے ہی سال انھاں نے محکمہ آثارِ قدیمہ وچ ملازمت اختیار کر گھدی تے پہلے ٹیکسلا تے اُس دے بعد موہنجوڈارو وچ تھیوݨ والی کھدائی وچ حصّہ گھدا۔
اعزازات[لکھو | ماخذ وچ تبدیلی کرو]
احمد حسن دانی کوں انہاں دی اعلٰی ترين علمی خدمات دے صلے وچ حکومت پاکستان نے ستارہ امتياز تے ہلال امتياز نال نوازا۔ خود اُنہاں دے علم و بصیرت دی چکا چوند جݙݨ مغربی دنیا وچ پہنچی تاں آسٹریلیا توں کینیڈا تک ہر علمی تے تحقیقی اِدارہ اُنہاں دی میزبانی دا شرف حاصل کرݨ دی دوڑ وچ پیش پیش نظر آوݨ لگا۔ امریکا، برطانیہ، فرانس تے آسٹریلیا دے علاوہ انہاں کوں جرمنی تے اٹلی وچ وی اعلٰی ترین تعلیمی، تدریسی تے شہری اعزازات نال نوازا گیا.
وفات[لکھو | ماخذ وچ تبدیلی کرو]
حسن دانی گردے تے ذیابیطس دے مرض وچ مبتلا ہن۔ 22 جنوری 2009ء کوں انہاں کوں پمز ہسپتال اسلام آباد گھنایا گیا جتھاں انہاں دے علاج دی کوشش کیتی گئی لیکن 26 جنوری 2009ء کوں اوہ 88 سال دی عمر وچ اپݨے خالق حقیقی نال ونج ملے۔