پراݨے آسٹریلوی واسیاں دا قتلِ عام

آسٹریلیا دے قدیم باشندیاں (ابوریجین) کوں استعماری نظام دے آغاز نے تباہ کر ݙتا۔ انہاں دے تاریخ وچ کئی قتلِ عام ملدن۔ آسٹریلیا وچ برطانوی استعمار دا آغاز 1788ء وچ تھیا۔ اس دا سب توں پہلا اثر تاں ایہ ہئی کہ انگریز اپݨے نال ایسی بیماریاں گھن گئے جنہاں دے خلاف آسٹریلیا دے قدیم باشندیاں وچ مدافعت نہ ہئی۔ نتیجتاً انہاں قدیم باشندیاں دی نصف دے قریب آبادی خسرہ تے دیگر بیماریاں دی نذر تھی گئی۔ مگر تاریخ دان اس کوں اس قتال دی پردہ پوشی قرار ݙیندن جیہڑا برطانوی استعمار نے آسٹریلیا وچ کیتا۔

ݙوجھا وݙا کم جیہڑا برطانوی استعمار نے کیتا اوہ پاݨی دے وسائل تے زرخیز زمین تے قبضہ ہئی جس دی وجہ نال آسٹریلیا دے قدیم باشندے ننگ تے بکھ دا شکار تھی گئے۔

تریجھا طریقہ جیہڑا اختیار کیتا گیا اوہ ایہ ہئی کہ انگریز آہدے ہن کہ اساں کنگرو دی جگہ انسانی شکار کریندے ہیں یعنی قدیم باشندیاں کوں جانوراں دی طرح شکار کیتا گیا جس وچ مرد، عورتاں تے ٻال شامل ہن۔ ایندے علاوہ قدیم باشندیاں کا اس قدر قتلِ عام کیتا گیا کہ ویہویں صدی دے آغاز تک انہاں دی کل تعداد ݙو لکھ توں گھٹ رہ گئی۔

1820ء دی دہائی

بیتھرسٹ (Bathurst) نامی جگہ دے قتلِ عام وچ ہزاراں قدیم باشندیاں دے خون دی ہولی کھیݙی گئی۔ فسادات اس قدر تھئے کہ 1824ء کوں مارشل لا نافذ کرنا پیا۔ جس دا اصل مقصد فوجیاں کوں ایہ اختیار ݙیوݨ ہئی کہ اوہ بلا امتیاز قدیم باشندیاں کوں عورتاں تے ٻالاں سمیت بغیر کہیں قانونی گرفت دے قتل کر سڳن۔