پاناما لیکس

"ن" نال نانوں تے پانامہ لیکس

سرائیکی دا ہک اکھانْ ء جو " نانوں گیا نؤں جہاڑے ۔۔۔۔۔۔۔۔ نوؑں نانوں دے گھر۔۔۔۔۔۔۔۔ نانوں بہہ تے لیکھا کیتا۔۔۔۔۔۔ نانوں گھر دا گھر" "نانوں" بھولا باتھا ہک غریب بندہ ہا جیہڑا سیانْی ذال دی انّی تے چڑھ ویندا ہا، گھر ءچ غربت تنبو اڈی کھڑی ہائی۔ اوں ذال توں پُچھیا جو ہُنْ کیا کروں۔ ذال آکھیا ایں کر جو کُجھ جہاڑے گھروں باہروں رہ تاں جو اُتنے جہاڑیاں دا ٹُکر بچ ونجے ۔ اوں خوشی نال ٹپ کڈھایا تے ٹونٹیاں مریندا نکل گیا باہروں ۔ اوں جہاڑے نانوں دے گھر نؤں بندے مہمان آگئے تے رج تے روٹی ٹُکر پِیڑ گئے۔ نانوں پورے نؤں جہاڑیاں بعد فاقے کریندا گھر دو ولّا ۔ حساب لایوس جو کتنی بچت تھئی ءِ۔ اوندی ذال لیکھا چوکھا لاتے ڈسایا جو پاگل آ توں اینویں باہروں رُلدا رہ گئیں کیوں جو نؤں بندے ہِکے جہاڑے نؤں ڈنہواراں دا روٹی ُٹکر کھا گئے۔ نانوں لیکھے نانوں گھر دا گھر ہئی جیندا نؤں جہاڑیاں دا رُلنْ کم نہ آیا۔شہزاد عرفان