پافوس

پافوس یا پافس (Paphos) قبرص دے جنوب مغرب وچ ہک ساحلی شہر اے تے پافوس ضلعے دا صدر مقام ہے- آثار قدیمہ دے لحاظ نال پافوس کوں ݙو حصیاں وچ تقسیم کیتا ڳیا ہے۔ نواں پافوس تے پراݨا پافوس- فی الحال شہر شہر نویں پافوس وچ آباد ہے- ایہ بحیرہ روم دے ساحل تے واقع ہے تے لیماسول توں مغرب وچ تقریباً 50 کلومیٹر دے فاصلے تے ہے۔ پافوس بین الاقوامی ہوائی اݙا ملک دا ݙوجھا سب توں وݙا ہوائی اݙا ہے- پراݨے پافوس دے قریب سمندر وچ ہک چٹان جینکوں ایفرودیتی دی چٹان تے یونانیوی دی چٹان وی آکھا ویندے- یونانی دیو مالائی کہانیاں دے مطابق ایہ ایفرودیتی محبت، زرخیزی تے خوبصورتی دی دیوی دی جائے پیدائش ہے جیہڑی یونانی دیو مالا دے مطابق سمندر دی جھڳ توں پیدا تھئی-

تاریخ

آثار قدیمہ دے ماہرین دے مطابق پافوس نیولتھک یا جدید زمانہ پتھر دی مدت توں آباد ہے- ایہ ایفرودیتی یونانی دیو مالائی کہانیاں دا ہک مرکز ہئی- 1974ء دے بعد، تمام شعبیاں وچ تیزی نال معاشی سرگرمیاں، خاص طور تے سیاحت نے پافوس کوں ہک خاص مقام ݙتے- حکومت نے ترقیاتی کماں تے بھاری سرمایہ کاری کیتی جس وچ آب پاشی دے ٻن تے پاݨی دی تقسیم دے کم، سڑک دے بنیادی ڈھانچے شامل ہن- 1990ء دے ݙہاکے وچ، "کورل بے ریزورٹ" کوں مزید بہتر بݨایا ڳیا- 2000ء وچ ایفرودیتی پہاڑی تفریح گاہ بݨائی ڳئی- بندرگاہ دے کول پافوس دا قلعہ ہے۔ اصل وچ ایہ ہک بازنطینی قلعہ ہے جیہڑا بندرگاہ دی حفاظت کیتے تعمیر کیتا ڳیا ہئی- ایں جگہ دا عہد نامہ جدید دی کتاب اعمال وچ ݙو دفعہ ذکر آیا ہے۔