ٻلی

ٻلی ہک جانور ہے ۔ ایہ ہک گوشت خور ممالیہ جانور ہے۔ ٻلیاں کوں پہلے پہل چوہیاں کوں کھاوݨ کیتے پالا ڳیا ہائی۔ جتھاں داݨے محفوظ کریندن، اتھاں ٻلیاں پلیندن تاں جو چوہے غلہ خراب نہ کر ون٘ڄن۔ ہݨ ایہ انسان دیاں دوست تے پالتو جانور ہن۔

ٻلی

پالتو ٻلیاں دے جسم تے لمبے یا چھوٹے وال ہوندے ہن، انہاں والاں دی بنیاد تے انہاں ٻلیاں دیاں قسماں تے نسلاں دا تعین کیتا ویندا ہے۔ او پالتو ٻلیاں جنہاں دی نسل دا مخصوص تعین نہ تھی سڳے انھاں عرف عام وچ “چھوٹے والاں آلی پالتو“ تے “لمبے والاں آلی پالتو“ ٻلیاں دی نسل قرار ݙتا ویندا ہے۔

لفظ “ٻلی“ ایں خاندان دے ݙوجھے جانوراں کیتے وی استعمال کیتا وین٘دا ہے۔ ٻلی دا خاندان یا گربہ خو جانوراں وچ عموماً وݙی تے چھوٹی ٻلیاں ڳݨین٘دیاں ہن۔ وݙی ٻلیاں جیویں ببر شیر،چیتا، تیندوا، باگ وغیرہ ہن۔ چھوٹی ٻلیاں دی کئی قسماں ہن جنھاں وچوں زیادہ تر پالتو ہن۔ وݙی ٻلیاں عموماً جنگلی ہوندیاں ہن تے خطرناک تھی سڳدیاں ہن۔