ٻال لوک ادب

بال لوک ادب سرائیکی زبان دا ٻہوں وݙا خزانہ ہے۔

اڄڑ دا میں آڄڑی

اجڑ دا میں آجڑی ناں میݙا مور 

بکریں دا کھیر پیتم 

پئے گیا میکوں زور 

وال میݙے ونگھرے 

کنگھی رکھاں جوڑ 

پنج مݨ دی منگلی چاتم 

ونج سٹیم لہور 

لہور آلے ہکے بکے 

ݙیکھن میݙی ٹور 

آوازہ

اکا اکاتے ہک دا آوازہ

ٻا ٻتے ݙو دا آوازہ

تے ترائے ترائے دا آوازہ

چو چرا چار دا آوازہ

پنجو پن پنج دا آوازہ

چھا چھو چھی دا آوازہ

ستا ستتے ست دا آوازہ

اٹھا اٹھتے اٹھ دا آوازہ

ان انت تے نؤں دا آوازہ

پٹی 

آں پٹی ہک دی 

وی پٹی ڈو دی 

ری پٹی ترئے دی 

لی پٹی چار دی 

جھا پٹی پنجیں دی 

اٹ پٹی چھیہیں دی 

تر پٹی ستیں دی 

سی پٹی اٹھیں دی 

وے پٹی نویں دی 

آؤ پٹی سو دی