وکھرے ٻول

عنوان "ساوے باغ کالے ڈیم" سیانڑے آہدن کھیر ڈتس پھینگڑیاں رلا تے کیا فائدہ آیا صوبہ ملدے ولدیت وٹواونڑ شرط ہے صوبہ لُنڈا ہوسی ساریاں گالھیں آپڑیں جاہ لڑسوں بھڑسوں مر مک ویسوں دھرتی ماء دا ہک انچ نہ ڈیسوں جیکر میانوالی ضلع تخت لاہور دے پکھے امدے یا او زور دھینگانڑیں کھس ویندے تاں سمجھو اساں بہوں نقصان وچ آ گئیوں ساکوں ساوے باغ ڈکھا تے کالے باغیں ڈیم بنڑیسن سارا پانڑیں تخت لاہور کوں ملسی ساڈی دھرتی تریہہ مر ویسی ڈیم دا مطلب لغام سندھو سائیں کوں اساں وانگیں سندھ سخی بندی وانڑ سڈیسی تاکیاں بند کریسن جیں ویلھے پانڑی نہ ہوسی جے ویلھے آؤسی لوڑھ سیلابا ساریاں تاکیاں کھول چھوڑیسن ساکوں چھل بڈیسی پانڑی کھُٹدا ویندے سائنس دے ماہر ایویں اھدن ساڈا پانڑی بند تھی ویسی ساری وسوں بر تھی ویسی پکھی تریہہ کنوں پھڑک پھڑک مر ویسن مچھیاں مہاجر تھیسن تساں پیر فرید دیاں کافیاں والی روہی دے سونہیں ہاؤ تساں دیوان دے اندر واہ ٹھڈی بیا گاویاں لسیاں راتیں کھیر کاڑھ تے پڑھدے بیٹھو تساں اصل روہی دو جھات نی ماری جتھاں ڈینہ کوں گھُلدین نرگ دی نار دیاں تتیاں سخت ہوائیں جیکوں خواجہ سائیں جیہیں صابر شاکر بندے وی پر وحشت سنجڑی روہی آکھئے تواکوں پتہ لگسی اے تل ہا مرحوم ہاکڑے سائیں دا جئیں دھرتی دے دریا رس ویندن او نگری دوزخ دی شاند ڈیندی اے ہاکڑا واہندا ہا سندھ ندی دے وانگوں ہاکڑ ہ چھم چھم وہندا ہا جیویں ککی ریت دے اتے ایویں آج پئی وگدی اے ماء دھرتی دے سینے تے سندھو ندی صوفی تاج خان گوپانگ عنوان "ویلہے دا لقمان"

اُبھی چُنڈ توں جوگی آیا ناں سائیں رحمان سڈیندے مرض توں پہلے مریض تے ہر ہک انگ تے پیار دی مالا دا جاب کریندے لقمان حکیم دیاں شانداں ڈیندے میڈی شفا دا منتر روز پڑھیندے الیندا گھٹ ہے سوچیندا ڈھیر ہے مریض گونگا حکیم چپ ہے سچے سائیں دے سچے سیوک "حق باہو" ہک ڈینہ ایہ فرمایا "لوں لوں دے وچ لکھ زباناں پھردے گونگے باتے ہُو "شاعر :صوفی تاج خان گوپانگ ر