وکٹوریہ جھیل

جھیل وکٹوریا افریقا دے وݙے جھیلاں وچوں ہک ہے۔ 68،800 مربع کلومیٹر (26،560 مربع میل) تے پھیلی ہوئی ایہ جھیل براعظم افریقہ تے استوائی علاقے دی سب توں وݙی تے سطحی حجم دے اعتبار نال دنیا وچ تازے پاݨی دی ݙوجھی وݙی جھیل ہے۔ جھیل دی زیادہ توں زیادہ گہرائی 84 میٹر (276 فٹ) تے اوسط گہرائی 40 میٹر (131 فٹ) ہے۔

Victoria Nyanza

Ugandan fishing boats

جھیل وکٹوریہ حجم دے اعتبار نال دنیا وچ تازہ پاݨی دی ستویں وݙی جھیل ہے جس وچ 2،750 مکعب کلومیٹر (22 لاکھ ایکڑ فٹ) پاݨی ہے۔ ایہ جھیل دریائے نیل دی وݙی شاخ نیل ابیض دا منبع ہے۔ جھیل، افریقہ وچ تنزانیہ، یوگینڈا تے کینیا دے درمیان وادی صدع العظیم (Great Rift Valley) دے مغربی حصے وچ سطح مرتفع تے واقع ہے۔ جھیل دے ساحلاں دی لمبائی 3،400 کلومیٹر (2138 میل) ہے جبکہ ایندے وچ ترئے ہزار توں زائد جزیرے وی ہن جنہاں وچوں اکثر غیر آباد ہن۔ جھیل دے شمال مغرب وچ واقع کئی جزائر دا مجموعہ مشہور سیاحتی مقام دی حیثیت رکھدے۔