ونکی:صارف سانچے

میڈا ناں صائمہ شاہین خان اے۔میں 14 فروری 1996 کوں ضلع راجن پور دی تحصیل جامپور وچ اکھ کھولی اے۔میڈے والد دی ملازمت دی وجہ کنیں ساڈی رہائش جامپور کنیں راجن پور دو تھی گئی،کجھ عرصے دے بعد اساں ولا ڈیرہ غازی خان دے رہائشی بنڑیسو والد صاحب دی ملازمت دے سلسلے وچ۔ابتدائی تعلیم میں ڈیرہ غازی خان اچوں حاصل کیتی تے باقی تعلیم دوبارہ جامپور اب آتے حاصل کیتی جیلھے مستقل طور تے جامپور رہائش پذیر تھیوسے۔2017کنیں پرائیویٹ سکول اچ بطور پرنسپل کاآغاز کیتم تے اتھاؤں کنیں شعبہ تعلیم وچ میڈی خدمات کاآغاز تھیا جیرھا تاحال جاری اے۔اللہ دے کرم نال ہنڑ اپنڑاں سکول بنا تے ہوکوں چلیندے پیوں۔ تے شاہین آنلائن اکیڈمی وی ہے جیندے وچ لیکچرار،ایجوکیٹرز تے دیگر ملازمتیں دے حصول دی تیاری لیکچرار صائمہ کرویندی اے۔

میڈا ناں میڈے والد دے ناں نال منسوب ہو صائمہ جنید۔

نانویں جماعت وچ میں اقبال دا ہک شعر پڑھیا

شکایت ہے مجھے یارب خداوندان مکتب سے

سبق شاہین بچوں کو دے رہے ہیں خاکبازی کا

ولا میں اقبال کوں پڑھیا اقبال دا تصور شاہین پڑھیا تے میں آپنڑا نام بدل ڈتا صائمہ شاہین۔داخلے تھی چکے ہن نام نا بدل سگدا ہا میں اوں سال پیپر نہیں ڈتے اگلے سال میں دوبارہ داخلہ بھیجیے تے آپنڑا نام صائمہ شاہین خان لکھوایم ۔

میری زندگی دا مقصد اے اپنڑے طالب علمیں کوں اقبال دے شاہین بنڑانونر۔