ولید دوم
ولید بن یزید، (743-744), ہشام بن عبدالملک دے بعد ربیع الثانی 125ھ وچ تخت نشین تھیا۔ اوہ انتہائی نالائق تے غلط کار شخص ہئی۔ ہشام بن عبدالملک نے اپݨی زندگی وچ ولی عہد دی عادات کوں سنوارݨ دی کئی ناکام کوششاں کیتیاں ھن ۔ ولید ثانی دی بد اخلاقی دی بنا تے کئی امرا نے ایندی ولی عہدی دی مخالفت کیتی ہئی۔ جݙݨ اوہ تخت نشین تھیا تاں اوں نے سب توں پہلے ایہ کم کیتا کہ اپݨے مخالفاں کوں چݨ چݨ کے مروا ݙتا۔ ایندی ایں سفاکی تے بعض متاثر افراد اس قدر پریشان تھئے کہ اوہ ہشام بن عبد الملک دی قبر تے ونڄ کے روندے ہوندے ہن۔
قتل
[لکھو | ماخذ وچ تبدیلی کرو]ظلم و ستم دے علاوہ اپݨی حد توں ودھدی ہوئی بد اخلاقی دی وجہ توں وی ایندی مخالفت زور پکڑیندی ڳئی۔ آخر کار ہک سال تے ݙو مہینے دی خلافت دے بعد اپݨے مخالفاں نال لڑدا ہویا مارا ڳیا۔ ہک مشہور مؤرخ نے تاں ایہ لکھا ہے کہ جیہڑے ویلے لوگ ایں کوں قتل کرݨ کیتے چڑھ آئے تاں اے، ایہ آکھ کے قرآن خوانی وچ مصروف تھی ڳیا کہ " جیں طرح حضرت عثمان رض تلاوت قرآن کریندے ہوئے مارے ڳئے ہن میݙا وی خاتمہ ہوں طرح تھیوے"