وانجھی یا وِرلا

وکیپیڈیا توں

وانجھی یا وِرلا

اے کھیݙ دھرتی تے جڑویاں لکیراں مار تے خانے بݨائے ویندن جنہاں وچ ہک ٹیم دے کھݙکار کھڑدن اے خانے چھی تھی سڳدن اٹھ ݙاہ یا ایندے توں وی زیادہ تھی سڳدن اے کھݙکاراں تے ہوندے جو کتنے کھݙکار ہن. ایں کھیݙ وچ ݙو پالٹیاں کھیݙدین اتے کھیݙ شروع تھیوݨ توں پہلے ٹاس تھیندی ھ. پہلے دو دور وچ سکہ نہ ہوندا ھا. ایں ڳالھوں ہک ڳٹک، پھینگڑی یا وٹہ ہتھ وچ تے ہک کپتان ہتھ کنڈھ پچھوں کر او ڳٹک، پھینگڑی یا وٹہ کہیں ہتھ دی ہک مٹھ وچ لکا گھندا ھا تے ول ہتھ سامݨے کر تے پچھدا ھا جو کیہڑے ہتھ وچ ھ. جے کپتان ٹھیک ݙسا ݙیوے ھا تاں اوندی مرضی ہوندی ہئی نہ تاں ݙوجھے دی مرضی جو او پہلے کھیݙسن یا بعد وچ. اڄکل سکہ تاں عام تھی ڳے پر افسوس جو اے کھیݙ نایاب تھی ڳئی ھ. ٹاس ہرݨ آلی ٹیم انہاں خانیاں وچ کھڑ. ویندی ہئی. اتے ݙوجھی ٹیم دے کھݙکار انہاں خانیاں کوں پار کریندن تے ول واپس اندے ھن.جیکر یکی پالٹی وچوں ہک بندہ پیڑھی تے واپس پڄ ونجے.تاں او آواز ݙیندے جو پکی ھ. مطلب ہک سکور تھی ویندے. جے کہیں ہک کھݙکار کوں پکی تھیوݨ توں پہلے ہتھ لڳ ونجے تاں اوں ٹیم دی واری مک ویندی ھ تے ول ݙوجھی ٹیم واری ݙیندی ھ. اے ڳالھ یاد راھوے جو ایں کھیݙ دے نمبر مقرر کیتے ویندن جیہڑی ٹیم پہلے نمبر پورے کر گھنے او جیت ویندی ھ. ||=======||======||====|| |؞| * |؞| * |؞| * |؞| * ||=======||======||====|| |؞| * |؞| * |؞| * |؞| * ||=======||======||====||

اے ورلے دی کھیݙ دا ہک نقشہ بݨائے تاں سمجھݨ وچ سوکھ تھیوے. اے نقشے دے مطابق چار چار دیاں ٹیماں وی کھیݙ سڳدین تے اٹھ اٹھ کھݙکاراں تے بݨی ہوئیاں ٹیماں وی کھیݙ سڳدین. ہک ٻئی اہم ڳالھ جو اے خانے کم از کم پنج پنج فٹ دے ہوندن.

ایں نقشے دے وچ جتھاں ستارے لڳے کھڑن اے پہلی ٹیم دے کھݙکار تصور تھیندے پن جݙاں جو جیہڑے ترائے نقطے لکیراں وچ نظر امدے پن اے واری ݙیوݨ آلی ٹیم ہے.


[[ونکی:سرائیکی کھیݙاں]]