واصفؔ دی شاعری

واصف دی وصف بھری شاعری

نمونہ کلام

سجھ، چندر و تارا ھک پاسے
نازک دا نظارہ ھک پاسے
بجلی چمکارا ھک پاسے
تیڈا لب مُسکارا ھک پاسے
تلوار دا وارا ھک پاسے
اَبرو دا کَٹارا ھک پاسے
منصور دا دارا ھک پاسے
تیڈی زلف دا گارا ھک پاسے
خلقت جگ سارا ھک پاسے
تیڈے فضل دا وارا ھک پاسے
اک تیرا سہارا ھک پاسے
سر موت نقارہ ھک پاسے
تیڈا مونجھ کھپارا ھک پاسے
سَئے یوسف پیارا ھک پاسے
ھک توں دلدارا ھک پاسے 
قرآن ترھی پارہ ھک پاسے
تیڈا رخ انوارا ھک پاسے
دوزخ دا شلارا ھک پاسے
فرقت دا گزارا ھک پاسے
عابد دا پاسارا ھک پاسے
دل درد دا نعرہ ھک پاسے
زاھد دا جگارا ھک پاسے
عاشق دا پکارا ھک پاسے
چَھل سانوݨ سارا ھک پاسے
ہنجوں دا فوارا ھک پاسے
تیڈا سگ دربارا ھک پاسے 
تیڈا پاݨی ہارا ھک پاسے
واصفؔ بے چارا ھک پاسے
عملیں دا کمارا ھک پاسے
مُرشد دا اشارا ھک پاسے