واجد محمود واجد
واجد محمود واجد سرائیکی زبان دا شاعر ہے۔
نمونہ کلام
[لکھو | ماخذ وچ تبدیلی کرو]ݙوہڑہ
[لکھو | ماخذ وچ تبدیلی کرو]پـا پَیلاں پیت دیـاں پِڑ پاتــے اَســـاں ســـارے پِڑ کوں گھیر گِھدے
اَساں پِیش تے ونج ایں پِیش پئے اَسـاں زَبر کوں وی کر زِیر گھدے
چَو پھـیـر ڈھنڈھورے پِھـیـر کــرائیں دریاویں دے رُخ پھیر گھدے
تیڈے ناں تیں واجد وَجد جو ائے رُوح رھ نئیں ائی چُم پیر گھدے
لکھاری! واجد محمود واجد مُعینی رحمت اللہ علیہ
غزل
[لکھو | ماخذ وچ تبدیلی کرو]بھیڑ میلے دی ھے اتنا گھمسانڑ ھے میڈا ہتھ پکڑی جل میڈا ہتھ چھوڑ نہ
میڈی جنڑ جانڑ کیا ' کیا میڈی جانڑ ھے میڈا ہتھ پکڑی جل میڈا ہتھ چھوڑ نہ
کلھے سر تے سدا کلھا رہ نہ ونجاں للھا ھاں للھے دا للھا رہ نہ ونجاں
چھانڑ ھوندا انویں چھانڑ دا چھانڑ ھے میڈا ہتھ پکڑی جل میڈا ہتھ چھوڑنہ
اپڑاں پورہیا کمت اپڑیں مت کیا ڈساں میں تاں بےپت ھاں وت پتھ دی پت کیاڈساں
پلے ٹوپہ پڑوپی نہ کئی پانڑ ھے میڈا ہتھ پکڑی جل میڈا ہتھ چھوڑ نہ
سارے میلے تیڈے سارے ویلہے تیڈے بنے بنیاں تیڈے بیٹ بیلے تیڈے
بختییں والا تیڈا پیار انڑ گانڑ میڈا ہتھ پکڑی جل میڈا ہتھ چھوڑ نہ
سیندسرمہ وی توں میڈےنیناں وی توں چھلےمندریاں وی توں متھے بیناں وی توں
میڈا واجد نہ بیا ڈاج تے ڈانڑ ھے میڈا ہتھ پکڑی جل میڈا ہتھ چھوڑ نہ