واجد دے ݙوہڑے

سئیں بسم اللہ ست بسم اللہ ہے بسم اللہ لکھواری

پیا دل ݙاڈھا مسرور تھیندے رُت ݙیکھ کے باد بہاری

جھڑ خوشیاں دے اڄ گج پئے ہن اکھ واجدؔ کھمݨ ماری

اڄ بھاڳ بھری ایں محفل وچ لنگھ اَئی ہے سنگت ساری

سئیں پیش آداب سلام ہوون ساݙی محفل دے مہمان ہیوے، ساݙی شان ہیوے

اساں جی آیاں کوں آہدے ہیں لنگھ اَئے اتھاں جند جان ہیوے، ساݙی شان ہیوے

تُساں میل محبت آن سُہائے لکھ خوشیاں کیتیاں دان ہیوے، ساݙی شان ہیوے

اساں پھُلیں دے ڳل ہار پواؤں ساݙے واجدؔ مہربان ہیوے، ساݙی شان ہیوے