نیوٹن دا پہلا قنون
کوئی وی جسم جے سکون دی حالت وچ ہے یا ہِکّو جِہیں رفتار نال حرکت کریندا پیا ہے، تاں اوہ اِیہ حالت برقرار رکھیسی جے تئیں اوندے اُتے کوئی باہروں آوݨ آلی قوت اثر نہ کرے۔"
وضاحت
[لکھو | ماخذ وچ تبدیلی کرو]ایہ قانون جمود (Inertia) دے اصول کوں بیان کریندے، جیندے مطابق:
1. ساکن جسم:
اگر کوئی جسم سکون وچ ہے، تاں او سکون وچ ای رَہسی جے تئیں کوئی باہروں آوݨ آلی قوت اِونکوں حرکت وچ نہ گھِن آوے۔
2. حرکت پذیر جسم:
اگر کوئی جسم حرکت کریندا پیا ہے، تاں او اُوں رفتار اَتے اُوں سمت وچ حرکت کریندا رَہسی جے تئیں کوئی باہروں آوݨ آلی قوت (جیویں رگڑ یا مزاحمت) اِیندی رفتار یا سمت کوں نہ بدلے۔
مثالاں
[لکھو | ماخذ وچ تبدیلی کرو]• ہِک کتاب میز تے پئی ہووے تاں او خود بخود حرکت وچ نئیں آندی، جے تئیں کوئی اِینکوں دھکا نہ ݙیوے یا اوندے تے کوئی ٻئی طاقت اثر نہ کرے۔
• چلدی ہوئی موٹر ابڑغت رک ویندی ہے تاں اِیندے وِچ ٻیٹھے مُسافر اڳوں دی طرف جھک ویندن، کیوں جو اُنہاں دے جسم حرکت وِچ رہوݨ دی کوشش کریندن۔
ایہ قانون اِیں ڳالھ دی وضاحت کریندے جو کِہیں وی شئے کوں حرکت وِچ گھِن آوݨ یا روکݨ کِیتے کُئی نہ کوئی قوت ضروری ہوندی ہے۔