نیلز بوہر

نیلز ہنرک ڈیوڈ بوہر (انگریزی: Niels Henrik David Bohr)، ڈنمارک دا ماہر طبیعیات تے ایٹمی طبیعیات دا بانی ہئی۔ 1916ء وچ کوپن ہیگن یونیورسٹی وچ نظری طبیعیات دا پروفیسر مقرر تھیا۔ 1920ء وچ نظری طبیعیات دے ادارے دی بنیاد سٹی تے اوندا پہلا ناظم منتخب تھیا۔ 1922ء وچ طبیعیات دا نوبل انعام ملا۔ 1938ء وچ امریکا ڳیا تے امریکی سائنس داناں کوں ݙسا کہ یورینیم دے ایٹم کوں ݙو مساوی حصیاں وچ تقسیم کرݨا ممکن ہے۔ اوندے ایں دعوے دی تصدیق کولمبیا یونیورسٹی دے سائنس داناں نے کیتی۔ ڈنمارک واپس ڳیا تاں ملک تے نازیاں دا تسلط تھی ڳیا۔ 1943ء وچ امریکا چلا ڳیا۔ 1944ء وچ واپس ڈنمارک آیا۔ 18 نومبر 1962ء کوں ڈنمارک اچ ایندا انتقال تھی ڳیا۔

Niels Bohr