نیشنل ٹیکنالوجی کونسل ، پاکستان

نیشنل ٹیکنالوجی کونسل دا لوگو

گزشتہ کئی سالاں توں بی ٹیک گریجویٹس کوں اعلیٰ تعلیم تک رسائی تے اعلٰی ملازمتاں وچ مشکلات درپیش ہن۔ اس دے علاوہ انہاں دی ڈگری دا معیار واضح نہ ہووݨ دی وجہ نال اے سرکاری اداریاں وچ ملازمت دے مواقع تے ترقیاں توں وی محروم ہن۔ ایں واسطے ٹیکنالوجی دے شعبے وچ گریجویٹس، ہک ٹیکنالوجی کونسل دے قیام دا مطالبہ کریندے پئے ہن تاکہ انہاں دے مفادات دا تحفظ تھی سڳے۔ ہائیر ایجوکیشن کمیشن، پاکستان دے فیصلے دے مطابق نیشنل ٹیکنالوجی کونسل، پاکستان دے قیام نال سالانہ ݙاہ ہزار بی ٹیک آنرز یا بی ایس سی انجینئرنگ ٹیکنالوجی دے گریجویٹس کوں فائدہ تھیسی جیہڑے مختلف اداریاں توں ڈگریاں حاصل کرݨ دے بعد ملازمت کیتے جدوجہد شروع کریندے ہن۔ انہاں وچوں اکثر گریجویٹس اپݨی تعلیم مکمل کرݨ دے بعد بیرونِ ملک بہتر ملازمتاں دی تلاش دی کوشش کریندے ہن۔

ذمہ داریاں

نیشنل ٹیکنالوجی کونسل، ٹیکنالوجی گریجویٹس دی رجسٹریشن، ٹیکنالوجی اداریاں دے کنٹرول تے اعلیٰ تعلیم تک رسائی وچ انہاں دی مشکلات دور کرݨ دے علاوہ، ملازمتاں تے ترقیاں وچ وی مددگار اے.

نیشنل ٹیکنالوجی کونسل، ٹیکنالوجی پروگراماں تے انہاں دی درجہ بندی، ڈگری دا تعین تے پالیسیاں تیار کریندی اے۔

کونسل، ٹیکنالوجی دے کورسز، امتحانات تے انہاں دے انتظامات دے علاوہ اس شعبے دے تمام اہم پہلوواں دا وی جائزہ گھندی اے۔

انجینئرنگ ٹیکنالوجسٹاں دی رجسٹریشن

نیشنل ٹیکنالوجی کونسل دے تحت گریجویٹس انجینئرنگ ٹیکنالوجسٹاں دی رجسٹریشن دا آغاز تھی گیا ہے۔ نیشنل ٹیکنالوجی کونسل، دراصل ہائر ایجوکیشن کمیشن دی جانب توں نویں ایکریڈیٹیشن کونسل بݨائی گئی ہے جس دے قیام دا مقصد بیچلر لیول دے متفرق ڈگری پروگراماں دی مانیٹرنگ تے تصدیق کرݨا ہے۔ نیشنل ٹیکنالوجی کونسل نے ایں ڳالھ دا اعلان کیتا اے کہ اوہ نیشنل رجسٹر آف ٹیکنالوجسٹ دا قیام عمل وچ گھن آئی اے تے انہاں تمام ٹیکنالوجسٹاں دی رجسٹریشن کیتی ویندی پئی اے جیہڑے ایف ایس سی پری انجینئرنگ، آئی سی ایس، ڈپلومہ آف ایسوسی ایٹ انجینئرنگ یا مساوی تعلیم دے بعد ہائر ایجوکیشن کمیشن دے منظور شدہ اعلیٰ تعلیمی ادارے توں انجینئرنگ ٹیکنالوجی وچ چار سالہ ڈگری مکمل کیتی کھڑن۔ مزید اوہ ٹیکنالوجسٹ جنہاں دے گریجویشن وچ کم از کم 130 کریڈٹ آورز مکمل ہوسن، اوہ نیشنل ٹیکنالوجی کونسل توں رجسٹریشن کراوݨ دے اہل ہن۔

نیشنل ٹیکنالوجی کونسل فی الحال مندرجہ ذیل ݙو درجیاں وچ رجسٹریشن کریندی پئی اے: -

1. گریجویٹ انجینئرنگ ٹیکنالوجسٹ

اوہ گریجویٹس جنہاں دے کول بی ایس سی انجینئرنگ ٹیکنالوجی، بی ٹیک (آنرز)، بی ٹیک، بی ایس ((ٹیکنالوجی))، بی ای ((ٹیکنالوجی))، بی ایس سی ٹیکنالوجی یا انہاں ڈگری پروگراماں دے مساوی ڈگری ہووے تے عملی تجربہ پنج سال توں گھٹ ہووے، اوہ ہائر ایجوکیشن کمیشن توں منظور شدہ تعلیمی اسناد دی فوٹو کاپی جمع کروا کے نیشنل ٹیکنالوجی کونسل توں رجسٹریشن کروا سڳدن تاہم دسمبر 2021ء دے بعد صرف نیشنل ٹیکنالوجی کونسل دے منظور شدہ پروگراماں دے فارغ التحصیل طلبہ دی ہی رجسٹریشن کیتی ویسی۔

2. پروفیشنل انجینئرنگ ٹیکنالوجسٹ

پروفیشنل انجینئرنگ ٹیکنالوجسٹ دی رجسٹریشن کیتے امیدواراں کوں متعلقہ ٹیکنالوجی وچ پنج سالہ تجربہ دے حامل افراد کوں ہائر ایجوکیشن کمیشن توں تصدیق شدہ تعلیمی اسناد دی فوٹو کاپی تے عملی تجربہ دے تصدیق شدہ سرٹیفیکیٹ مہیا کرنے ہوندن ۔ بیرون ملک دے تعلیمی اداریاں توں حاصل کیتی گئی ڈگری دی صورت وچ ہائر ایجوکیشن کمیشن توں مساوی ڈگری دا سرٹیفیکیٹ گھنݨ ضروری اے۔ رجسٹریشن دے عمل دے بعد کامیاب امیدواراں کوں ہک رجسٹریشن نمبر تے لائف ٹائم سرٹیفکیٹ نال نوازا ویندا اے۔

انجینئرنگ تے ٹیکنالوجی دے دیگر اداریاں دی کونسل وچ نمائندگی

نیشنل ٹیکنالوجی کونسل دے مندرجہ ذیل اداریاں نال پیشہ ورانہ روابط ہن تے انہاں اداریاں دی نمائندگی وی کونسل وچ موجود اے.

• ہائیر ایجوکیشن کمیشن، پاکستان، (Higher Education Commission of Pakistan)
• وزارت سائنس تے ٹیکنالوجی، پاکستان،

(Ministry of Science and Technology, Pakistan)

• وزارت انفارمیشن ٹیکنالوجی تے ٹیلی کام،

(Ministry of Information Technology and Telecommunication)

• وزارت تعلیم تے پیشہ ورانہ تربیت،

(Ministry of Federal Education and Professional Training)

• وزارت صنعت و پیداوار، پاکستان، (Ministry of Industries and Production (Pakistan
• پاکستان انجینئرنگ کونسل، (Pakistan Engineering Council)
• پاکستان میڈیکل تے ڈینٹل کونسل،

(Pakistan Medical and Dental Council)

• قومی زرعی تعلیمی منظوری کونسل، (National Agriculture Education Accreditation Council)

حوالے

[[ونکی:نیشنل ٹیکنالوجی کونسل ، پاکستان]]