نویں بندے کوں ووٹ
اساں نویں بندے کوں ووٹ نسے ڈیندے بھانویں او جیجڈا چنگا ھووے کیوں نسے ڈیندے اوندے چند وجوہات ہن. ساڈے وڈے مسلئے ڈو ترائے جاھیں تیں ونج کے حل تھیندن انھیں جاہیں تے جیرھے بندے دی سنجانڑ ھے اُؤ ساڈے ووٹ دا حقدار ہے، ساڈی بدبختی ڈیکھو جیرھے لوک ساڈے مسلئے حل کرنڑ لُو بیٹھائے گئین او اینجھے رہزن بنڑئن کہ انھیں کنیں کم کراونڑ لُو ساکوں وڈے رھزن دا بندوبست کرنڑاں پوندے.
سب توں پہلے تھانڑاں آندے جتھاں ساکوں کڈاھیں نہ کڈھائیں کوئ کم کار پُوندے، اتھاں ونجنڑ واسطے کہیں سیاسی دا ھوونڑ ضروری ھے نتاں ایویں سوائے زلالت و رسوائ دے کجھ نیں لبھدا، چھوٹے توں چھوٹے کیس دا ویھ ہزار دا خرچہ ھے پیسے ڈیو گودے سئیں دی منت وی تھپیج گئ، تھانڑے ونج کے ایویں محسوس تھیندے جیویں اتھاں انسان نیں بلکہ جنت ءچو کڈھیے ھوئے فرشتے ہن،
ڈوجھی جاہ نادرا ھے، چپڑاسی گارڈ توں گھن کے وڈی ڈائینڑ تک ہک توں ہک بن مانس بیٹھے اتھاں کوئ کم کراونڑے بغیر پیسے تے سفارش دے سوچائے وی نہ، بے فارم، شناختی کارڈ عمر دا مسلئہ اے ساڈے وصبے دی وڈی پریشانی ھے،
واپڈا، میٹر نواں لواونڑیں ریڈنگ دا مسلئہ ھے، بل گھٹ کراونڑے، کُنڈی لاونڑی ھے وت وی کہیں سیاسی دی پشت پناہی لازمی ھے نتاں تھاڈے میٹر دی اینجھی فوٹو چھکیسن جیرھی تھاکوں نظر نیں آ ونڑی بلکہ بل کوں ڈیکھ کے تھاکوں مرگی دے دؤرے لازمی تھیسن، انھیں دی بارگاہ ءچ حاضری ڈیسو تاں صاحب بہادر دفتر کوں تھانڑاں سمجھدن ایں وجہ توں اکثر ایڈیں اُڈیں دفعہ دور ھوندن،چھوٹے گالہڑ دیاں وڈیاں گالھیں سُنڑ کے بندہ اعوذ باللہ من الشیطن الرجیم پڑھ کے دفتر دے باھرو نکلدے، اگر اے گالھیں سچاں ہن وت ووٹ انھیں کوں ڈیو جیرھا ایں نظام دا مخالف ھے، جیرھا ایں مردار نظام کوں ختم کرنڑ دا وعدہ کریندے، سچی تبدیلی چاھندو تاں آپکوں ووٹ ڈیو آپ جھئیں کوں ووٹ ڈیو، تونسہ شریف آلے اٹھو عام آدمی ملک فرحان بھٹہ تے محترمہ راشدہ بھٹہ دے بانھ بیلی بنڑ کے نسلیں دے بارے سوچو.