نوبل انعام

نوبل انعامات (سویڈش: Nobelpriset، نارویجن: Nobelprisen) سالانہ تقسیم کیتے ونڄݨ والے انعامات ہن جنھاں کوں رائل سویڈش اکیڈمی آف سائنسز، سویڈش اکیڈمی، کیرولنسکا انسٹیٹیوٹ تے نارویجن نوبل کمیٹی انہاں افراد یا تنظیماں کوں ݙیندی ہے جنھاں نے کیمیاء، طبیعیات، ادب تے فعلیات و طب وچ کارہائے نمایاں سر انجام ݙتے ہوون۔اینکوں الفریڈ نوبل دے 1895ء وچ کیتے ڳئے وصیت دے مطابق تخلیق کیتا ڳیا، جیندے مطابق انہاں انعامات دے انتظامات نوبل فاونڈیشن کوں سپرد کیتے ڳئے۔ نوبل میموریل انعام برائے معاشیات کوں 1968ء وچ جاری کیتا ڳیا، اینکوں سیورجس رکس بینک جیہڑا سویڈن دا مرکزی بینک ہے، نے شروع کیتا تے اے انعام معاشیات وچ گراں قدر خدمات تے ݙتے ویندن۔ ہر انعام یافتہ ہک طلائی میڈل، ہک عدد ڈپلوما تے کجھ رقم وصول کریندا ہے جیندی مقدار دا فیصلہ ہر سال نوبل فانڈویشن طے کریندی ہے۔