نوال کرونا وائرس
نوال کرونا وائرس
تحریر: کرن لاشاری
صدر:
سرائیکی عوامی تریمت تحریک
(اے تحریر مختلف خبراں، ڈاکومنٹریز، تے ݙوجھے معلومات دے زرائع تو کٹھا کر تے زاتی خیال دے کالم دی شکل ݙتی گئی ھے، جو غیر ہتمی ھے )
اڄ دے دور وچ پوری دنیا کرونا وائرس دے خوف اچ ھے، دنیا دے لوک ایٹمی ہتھیاریں دی جنگ کنے اتنا خوفزدا کینھی جتنا ایں کرونا وائرس نامی وبا تو ھن، اور ہووݨا وی چاہیدے، کہ اے فلحال تئیں اندھی موت سوا کجھ کینھی، بظاہر اساکوں ھک نواں نظرݨ آلی کوئی وبا ھے،، اور ایجھی وباء تب تک خطرناک وبا ھی راہندی ھے جے تئیں اوندا کئی علاج نہ ملے، ہزاراں سال پہلے عام جیا نزلہ بخار وی ھک خطرناک بیماری ھا،لکھاں لوک ایں بیماری نال فوت تھی گے ولا انسانیں کوشت کر تے ایندا علاج گولیا، اور وقت دے نال نال انسانی جسم نے ایندے خلاف قوت مدافت پیدا کیتی تے اڄ اساں اینکو ھک روپے دی گولی نال ٹھیک کر سکدے ھیں،
ایویں ھی کجھ انسانی کارستانی تے کجھ فطری وزن برابر کرݨ سانگے قدرت خود اپݨے جلوے ڈیکھندی ھے،
کڈی طاون دی وباء اور ملیریا دی وباء نے وی دنیا کو ایویں ھلاکت خیزی وچ پریشان کیتا ھا، ولا قانون قدرت مطابق انسان نے ایندے تے وی قابو پا گھدا،،،
تے اڄ پوری دنیا کرونا وائرس نامی وباء دی زد وچ ھے، ایندی داشت تے ھلاکت خیزی روز روز ودھدی ویندی ھے.، اور تب تک برکرار راہسی جے تئیں انسان ایندا علاج دریافت نی کر گھندا اور انسانی جسم ایندے سانگے اپنے اندر قوت مدافت نی پیدا کر گھندا،،
کرونا وائرس ھے کیا شے،،،
غیر سیاسی دستیاب معلومات مطابق کرونا وائرس کوئی اڄ دی بیماری کینھی بلکہ اے 1940. دے عشرے وچ اٹلی دے قصبے کرونا تو شروع تھئی ھا پر اوں ویلے قسمت نے ساتھ ݙتا تے اٹلی دے میڈیکل شعبے نے ایندا علاج عام نزلے بخار دی دوا اچ ردبدل کرتے جلد ایں وباء کنٹرول پا گھدا تے اے اٹلی اور اوندے نال آلے ملکیں وچ ھک نزلے زکام وانگو عام بیماری شمار تھیونڑ. لگی،،،
پر دسمبر 2019 دے شروع وچ چین دے شہر ووہان دے وچ ایں بیماری نے نیو بیکٹریا نال مل تے ھک طاقتوار وائرس دی شکل اختیار کر گھدی جیندا علاج اتے پرانڑی دوا تے اینٹی بایوٹک بے اثر تھی گئی،صحت دے ماہرین نے ایں نویں وائرس کو نوال کرونا وائرس دا ناں ڈتا تے اینکوں دنیا سانگے خطرہ قرار ڈتا، آخر ایویں تھیا اے چین تو ودھدے ودھدے پوری دنیا کو اپݨی لپیٹ وچ گھن گھدا، تے اے واپس جڈنڑ اٹلی تے اوندے نال دے ممالک پہنچی تاں اتھاں دے لوکیں وچ کیونکہ پہلے تو ایندے بیکٹریا موجود ھن ایں سانگے انھاں ممالک وچ اے وباء چین تو وی زیادہ خطرناک صورت اختیار کر گئی اور ہزاروں زندگیاں نگل گئی،
تادم تحریر ایں وائرس دا کوئی موثر علاج دریافت نی تھیا، پر صحت دے ماہرین دا خیال ھے جو شائد 30 سینٹی گریڈ دے موسم وچ ایندی شدت گھٹ تھی ونجے، اور ماہرین دی کوششاں نال انشااللہ جلد موثر دوا وی ایجاد تھی ویسی،
پر فلحال اساکوں نی پتہ ایندے خطرناک انجام دا، یقیناً اٹلی چین، تے یورپ دے ݙوجھے ممالک اساڈے ملک تو میڈیکل شعبے وچ زیادہ اگوں ھن،، جیکر او ملک ایں وباء نال لاک ڈان تھی گن!!
تاں خدارا. اساڈے ملک وچ صحت دا شعبہ اتنا موثر کینھی جو اساں 22کروڑ لوکیں کو ایں وباء. تو بچا سکوں، ایں سانگے اساڈے کیتے بہتر ایہو ھے جو اساں حکومت دے ولوں وائرس کنے بچنڑ سانگے ݙتی گئی ہدایات تے عمل کروں، بار بار ہر گھنٹے بعد صابن نال ہتھاں کو دوھوں، گھر تو بلاضرورت باھر نہ نکلو، ھک ڈوجھے دے درمیان کم سے کم چھی فٹ دا فاصلہ رکھو، گلے ملن، ہتھ ملاونڑ تو پرہیز کرو، چھی فٹ دور آلے سلام نال وی اتنا ثواب ھے جو قریب نال ملدے،، لہذا مہربانی کرتے خود کو اپݨے گھر اور محلے کو ایں ھلاقت خیزی تو بچاوݨ کیتے اپنا کردار ادا کرو اور خود کو سماجی طور محدو کرو،
اللہ پاک جلد صحت دے ماہرین دی کوششاں کو رنگ لاوے اور وطن عزیز سمیت پوری دنیا کو ایں موزی وباء کنے چھٹکارا ݙیوے،، (آمین )
پر تب تک میڈیکل ہدایات تے عمل کر تے زیادہ تو زیادہ ایں نوال کرونا وائرس تو بچݨ دی کوشش کرو