نقیب جعفری

اصل ناں    واحد بخش

قلمی ناں    نقیبؔ جعفری

جٖمنْ        1931ء

جاہ پتہ      مظفر گٖڑھ

نقیبؔ جعفری1931ء کوں دائرہ دین پناہ وچ پیدا تھئے۔جیکوں 29سال حضرت کشفی ملتانی دا قرب حاصل ریہا۔کشفی مرحوم جھئیں علمی ادبی شخصیت دی صحبت اچ رہ کے آپ دے شعری ذوق کوں جلا ملی تے فنِ شاعری پختہ تھیا۔

نمونہ کلام

؎بدلیا ہویا دنیا دا نظر آندا ہے نقشہ

ہے وقت فجر دا تے میکوں شام نظردے

کیا حال نقیبؔ پیش کرے اپنْی وفا دا

اے مست تیڈٖا بندہ بے دام نظر دے

؎کجھ نظر کرم دی بھال سجٖنْ

تیڈٖا ہووے بخت اقبال سجٖنْ

؎نقیبؔ طاقت اُڈنْ دی کائنی

کھنڈا کے کھمبھیں کوں تول ڈٖٹھے

٭٭٭