نسیم لیہ

سرائیکی ادب دی دنیا وچ نسیم لیہ دا ٻہوں وݙا ناں ہے۔نسیم لیہ اپݨی ذات وچ انجمن ہن۔او جب تک زندہ ریہے لیہ دی ادبی دنیا دے وچ زوال نہ آنوݨ ݙتا۔ لیہ تھل وسیب دا ناں اے او لیہ دے وی دیوانے ہن تے تھل دے وی دیوانے ہن۔ نسیم لیہ چنڳا شاعر ہووݨ دے نال نال چنڳی آواز دے مالک وی ہن اپݨے گھر وچ محفلاں کریندے ہن انہاں دی آواز اچ ’’میݙا لیہ جھوک فریدی، اتھاں سارے لوک فریدی، کھل ہاسے ٹوک فریدی‘‘ٻہوں مشہور تھیا۔ اُنہاں دی حیاتی تے اُنہاں دی فنی زندگی تے تحقیق تے ریسرچ دی ضرورت اے۔اے کم یونیورسٹیاں دا ہے جو ا و تحقیق کراون پتہ نی وسیب دیاں یونیورسٹیاں تے سرائیکی شعبے کیا کریندے پن۔

اصل ناں    عبدلسمیع

قلمی ناں    نسیمؔ لیہ

جٖمنْ        1933ء

وفات      1990ء

نسیم لیہ مرحوم شہر لیہ دے خوبصورت شاعر ، خوبصورت شخصیت تے خوبصورت شکل و صورت دے مالک ہن۔انہاں دیاں اردو ادب دے نال نال سرائیکی ادب وچ وی ڈھیر خدمات ہن۔

سرائیکی غزل

؎ بدل اپنْے مینہ دے پانْی نال منہ دھوندا ودے

شکر تھئے جو ہولے ہولے پرکھرا ہوندا ودے

اپنْے پیریں تے کھڑا تھیونْ دا جیکوں شوق ہے

سوچ ویہڑے وچ اجٖاں تئیں بانبڑے پوندا ودے

؎پتہ نئیں میڈٖی غزل ہئی یا اوہ وچھڑی کونج ہئی

لفظ وی روندے ریہے کاغذ وی کرلاندا ریہا

٭٭٭

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء