نسیم سیمی

نسیم سیمی سرائیکی گلوکار ہے۔

وفات

١٨ مارچ ٢٠١٩ء کوں فوت تھئی،

گزری وہانْی

تحریر : ظہور دھریجہ، نسیم سیمی

پچھلے ہفتے جگ مشہور گلوکارہ تے ڈٖوہڑے دی ملکہ نسیم سیمی فوت تھی گٖن ‘ ڈٖو سالیں توں بیمار ہَن ، حکومت کوں اپیلاں کر کر تھک گٖیوسے ‘ علاج نہ کرایا گٖیا ۔ اوڑک نسیم سیمی ساہ جُھنْ جُھنْ تے مر گٖئی ۔ چدھڑ موڑ تحصیل شجاع آباد غریب بھینْ بھرانویں نسیم سیمی کوں آہاں تے سسکیاں نال دفن کیتا ۔ڈٖوجھے ڈٖینھ نسیم سیمی دے غریب بھرا تڈٖے تے بٖیٹھے ہن جو کجھ لوک نسیم سیمی دے پُتر عمران فیصل نال دشمنی مٹاونْ سانگے گھر پُجٖ گٖے تے اسلحہ تانْ گھدا ۔ اساں تے بٖئے لوکیں احتجاج کیتا پر غریب لوکیں کوں صلح نامہ ڈٖے تے جان چھڑاونْی پی ۔ ذہن تے بٖہوں بٖوجھ ہا ، اوں جٖہاڑے فاضل پور اچ سوجھل دھرتی واس دا کٹھ وی ہئی ۔ تھکئے ہاریئے اُتھاں پُجٖوسے پر تھکیڑا ایں سانگے لہہ گٖیا جو کٹھ بٖہوں کامیاب تھیا ۔ سرائیکی اگٖوانْ شاہنواز خاں مشوری تے عثمان کریم بھٹہ کوں مبارخاں ڈٖیندے سئیں نور تھہیم ایڈووکیٹ نال خانپور لنگھ گٖیوسے ۔اُتھوں اگٖلی منزل بنگلہ گنگنْ آلا چولستان ہئی ۔

جاوید آصف دا ݙوہڑہ

آہ نسیم سیمی

ہئی تیڋے دل نال تیں نبھائی اے جیرھی غریبی جیرھی حلیمی

نہ کہیں حکومت دی سر پرستی ، ہمیش دردیں دی آنچ دھیمی

اساڋی اکھ توں ہنجوں نئیں رکدیاں رکن کیویں آہ نسیم سیمی

ایہو تاں سچ اے جو پتر تیڋے ڋٹھی ھے سہی سچ دی اڄ یتیمی

ظہور تے عید مونجھے مونجھن جو جھوک دا توں سنگار ہانویں

اے وقت دی ملکہ ء موسیقی توں گائیکی دا وقار ہانویں

جاویدآصف