نرگس ماولوالا
نرگس ماولوالا (/nərɡɪs maːɔːlʋaːlaː/، نرگس ماول والا) ہک فلکی طبیعیات دان ہے۔ ڄم پل پاکستان دا ہے پر ہݨ امریکہ دی وسوں واݨ ہے۔ انہاں دی پرکھ پرچول دا کھاڑا ثقلی موجاں ہن۔ انہاں دی ڄمݨاں 1968 کوں تھیا ہا۔ انہاں کراچی دے کانونٹ آف جیسس اینڈ میری وچ تعلیم پاتی ہئی۔ کراچی کنوں او لیول تے اے لیول تے امتحان پاس کیتے تے وت نرگس 1986 وچ امریکہ ٹر ڳئی جتھاں اوں ویلیزلے کالج ون٘ڄ تے تعلیم پاتی۔ 1990 وچ فلکیات وچ ڈگری حاصل کیتی تے وت 1997 وچ میساچوسٹس انسٹیٹیوٹ آف ٹیکنالونی کنوں فزکس وچ پی ایچ ڈی مکمل کیتی۔ تے ہݨ اپݨے ٻالاں سودھی میساچوسٹس وچ وسدی رسدی پئی ہے۔
نرگس ماول والا اپݨی ڈگری دے دوران کشش ثقل دیاں موجاں دی کھوج کڈھݨ کیتے ہک پروٹوٹائپ لیزر انٹرفومیٹر بݨایا ہا۔ فزکس دے انہاں کھاتیاں وچ انہاں دی من بھان٘وت ٻہوں ودھیک ہئی۔ کشش ثقل دیاں موجاں آسٹروفزکس تے کوانٹم پیمائش دی سائنس۔
آدر
[لکھو | ماخذ وچ تبدیلی کرو]ڈاکٹر نرگس سائنس داناں دی اوں ٹولی وچ شامل ہئی جنہاں پہلی واری خلائی وقت وچ موجاں دا مشاہدہ کیتا ہا جین٘کوں کشش ثقل دیاں موجاں آہدے ہن۔ 2016 وچ انہاں کشش ثقل دے اوتے آپݨا کم لوکاں دے سامھݨے پدھرا کیتا۔ انہاں دی پرکھ پرچول دے پرسان٘ویں البرٹ آئن سٹائن دے 1915 دے عمومی نظریہ نسبت دی ہک وݙی پیش گوئی دی تصدیق تھئی ہے۔ نرگس 2002 کنوں پرکھ پرچول دے وݙے ڳڑھ میساچوسٹس انسٹی ٹیوٹ آف ٹیکنالوجی وچ پڑھین٘دی پئی ہے۔