نذر حسین ساجد
اصل ناں نذر حسین
تخلص ساجد
جٖمنْ 1954ء
تعلیم میٹرک،پی ٹی سی
پیشہ ریٹائر معلم
جاہ پتہ وستی کمال پور خان گٖڑھ تحصیل و ضلع مظفر گٖڑھ
نذر حسین ساجد دا تعلق جوئیہ برادری نال ہے ۔ آپ نے اپنْی عملی زندگی دا آغاز 1973ء کنوں پی ٹی سی استاد دی حیثیت نال کیتا۔شاعری دا شوق تھیا تاں اردو دے معروف شاعر غلام مہدی شوق دی راہنمائی وچ اردو شاعری شروع کیتی،تے ول بعد اچ سرائیکی شاعری آلے پاسے آگٖئے۔ساجدؔ صاحب غزل بٖہوں سوہنْی لکھدن۔ نمونہ کلام ملاحظہ تھیوے۔
غزلیہ اشعار
[لکھو | ماخذ وچ تبدیلی کرو]؎اوں سڈٖائے قاصد دے ہتھیں اللہ جٖانْے کیڑھی جاء؟
گٖالھ میں سمجھی نہیں ایویں روانہ تھی گٖیاں
ظلم کر کے سارے ظالم آپ اپنْی موت موئے
درد کٹھے کر کے ساجدؔ میں خزانہ تھی گٖیاں