ناؤں تریݨ
ناؤں تریݨ
اے کھیݙ بھیڄے دی کھیݙ ھ. اے کھیݙ زیادہ تر او لوک کھیݙدن جیہڑے ذہین ہونوون. اے کھیݙ زیادہ تاں مرد، نینگر، چھوہر چھٹکر کھیݙدن. ایں کھیݙ کوں ݙو کھݙکار کھیݙ سڳدن. سبھ کنوں پہلے بھوئیں تے لکیراں مار تے تریݨ بݨائی ویندی ھ. ایندے کیتے سبھ توں پہلوں ہک وݙا مربعے دی شکل دا خانہ بݨایا ویندے ول اوندے اندر ہک ٻیا خانہ تے ول ہک ٻیا خانہ مطلب ہک ٻئے دے اندر کل ترائے مربع دی شکل دے خانے بݨائے ویندن. ول سب توں اندرلے یا ٻاہرلے خانے دی آدھل کول ݙوجھے چھیکڑی خانے دی آدل تک ہک لکیر چھکی ویندی ھ ایہو جی لکیر چارے پاسوں لڳدی ھ. یاد راہوے اے لکیر چونڈھ وچوں نی چھکڑیں خانے دے ادھ وچوں چھکڑیں پوسی. ول ݙوہیں کھݙکار سوچ سمجھ تے اپڑیاں ڳوٹیاں رکھݨ شروع کریندن. دیہاتاں وچ اے ڳوٹیاں، پھینگڑیاں، ڳٹکیں، بجری یا نکے پتھر یا وٹے تے لکڑ دے نکڑے ٹکڑے وی تھی سڳدن. جݙاں ساریاں ڳوٹیاں رکھیج ونجن ول کھیݙ شروع تھیندی ھ یعنی چال شروع تھیندی ھ. ایں کھیݙ وچ جیہڑا کھݙکار ڈھیر تریݨاں بݨڑیندے او جت ویندے. تہاکوں تریݨ ݙسا ݙیواں جو او کیا ھ.. تریݨ اے جو کئی کھݙکار ایں کھیݙ وچ اپڑیاں ترائے ڳوٹیاں برابر ہکا تندیر وچ بݨا گیا تاں او ݙوجھے کھݙکار دی ہک ڳوٹی مرضی دی چا سڳدے. بعض جاہیں تے یا کجھ کھݙکار دومارہ وی کار رکھدن یعنی دومارہ ایں ہوندے جو دومارےآلا کھݙکار ہک پاسوں تریݨ بݨا تے چیندے تے ول جݙاں ݙوجھے پاسے چلے ول اتھاں وی تریں بݨ ونجے اے دومارہ ہوندے.