میکوں آپݨی لُٹی زندگی دا نئیں ارمان چن ڈھولا

عطاء اللہ عیسیٰ خیلوی دا مشہور ڳاوݨ، جیہرا ملک سونا خان بےوس لکھا ہائی، اے غزل عطاء اللہ عیسیٰ خیلوی دی پسندیدہ غزل ہے، اے ڳال او کہیں واری خود ݙسا ٻیٹھن-

ڳاوݨ:

میکُوں آپݨی لُٹی زندگی دا نئیں ارمان چن ڈھولا

تیݙی خوشیاں توں لکھ واری ہے جِند قُربان چَّن ڈھولا

مُقدراں وِچ وفاء ناہی، ہے شِکوہ کئیں تے کیا ماہی

لِکھا قسمت دا پا ٻیٹھی، اِیہا مَقسُوم ہَن ڈھولا

وَدی در در وکاندی ہاں، نہ گھر وِچ کیں کُوں بھاندی ہاں

تیݙے ناں تے میں وِک ڳئی ہاں توں مَن بھانویں نہ مَن ڈھولا

میں رُلڑاں ہا تے رُل ڳئی ہاں، تیݙے وعداں تے بُھل ڳئی آں

نصیباں دے وَنڈارے ہِن، میں رُلݨائیں بے وطَّن ڈھولا

اَخِیری آس ہے شالا! کرے منظور رب تعالیٰ

تئیں سوہنڑیں ڈھول دے قدماں دے وِچ تھیواں دفن ڈھولا

ہُݨے سُݨ گھنسیں چَّن ماہی، تیݙے سڄݨاں دی لاش آئی