مہینوال منگروٹھوی
اصل ناں مہینوال
قلمی ناں مہینوالؔ منگروٹھوی
جٖمنْ 1934ء
جاہ پتہ منگروٹھہ شرقی۔تحصیل تونسہ شریف
غزل
[لکھو | ماخذ وچ تبدیلی کرو]پیا چلدے زمانے وچ اجٖاں ماحول بازاری
میکوں محفوظ نئیں ڈٖسدی اے چادر چار دیواری
عوام الناس نے اجٖکل امارت کوں کچل چھوڑیئے
مکا چھوڑی جمہوری دور سرداریں دی سرداری
تہوں چیکاں نکلدیاں ہن ساڈٖے مفلس بھرانویںدیاں
تجاوز پئے کریندے ہن جوڈٖینہ ڈٖینہ نرخ سرکاری
جڈٖاں کئی وقت آ پووے پسیلے یار تھی ویندن
صفر دی جاہ تے ونجٖ پہنتی ہے گھٹ گھٹ کے وفاداری
او کون آہدے قلم ساکت ہِسی اجٖکل نسی چلدا
توڑے دیگر پئی ڈھلدی ئِ غزل مہینوالؔ کڈھ ماری
؎میڈٖیاں نظراں جنہیں نظریں کوں ٹک ٹک کے پیاں ڈٖہدین
اوہ نظراں بے نظر نظرن محبت دی نظر کوئنی
جیڑھا خود گم ہے کہیں دی کیا کریسی رہبری کملا
ہے سکھنْیں دھاڑ پِٹ واعظ دی جیندا کئی اثر کوئنی
٭٭٭