مژدم خان
Muzdum Khan /مژدم خان سرائیکی زبان دا شاعر ہے۔
سرائیکی شاعری تے ہک نینگر شاعر مژدم خان
میں نمھی ڄاݨدا جو مژدم خان کون ان، کتھوں دے ان پر انہاں دی شاعری میکوں بھاݨی اے... انہاں دی شاعری انہاں دی وال توں پڑھئیم، چس آئی اے، متاثر کیتس،
شئیت سرائیکی اچ اڄاں شاعری دا عہد ختم نئیں تھیا، جو ہک نینگر شاعر ایہو جہیں باکمال شاعری کریندا کھڑے..
سرائیکی ادب نال دلچسپی رکھݨ آلے دوست انہاں دی شاعری پڑھن، سرآئیکی ادب اچ اے ہک باکمال ودھارا ہے۔
ڄم پل / Early Life[لکھو | ماخذ وچ تبدیلی کرو]
سردار گڑھ وچ پیدائش تھی 1990 وچ، ول نقل مکانی کر تے خان پور شہر آ گئے، اتھ زندگی دے ڈہ سال گزریے، اوندے بعد و
ل ڈوجھی ہجرت رحیم یار خان کیتی ھن مستقل رحیم یار خان وچ مقیم ھن
نمونہ کلام[لکھو | ماخذ وچ تبدیلی کرو]
غزل[لکھو | ماخذ وچ تبدیلی کرو]
ء ھک اَوَیھ توں نکل تے ٻئی وچ گھتیج ویسن
بہوں پراݨیاں ٹریناں پٹریاں بڑیج ویسن
وزیر شاہ ݙے سنیہا بھیڄے جو جنگ ہر ڳیوں
اساݙے فوجیاں دا منہ ݙسیندن مریج ویسن
رڄیسن افسوس ول وی کائنا ء چینی عربی
اساݙیاں ڳوہیں تلور وچھوں کھویج ویسن
پہاڑ کمبن تاں توں نہ سمجھیں جو زلزلہ ھ
اساں انہاں کوں ݙریندے ہیسے پٹیج ویسن
تہاݙ ساوا اشارا ملݨ دی دیر ھ بس
ء لال اشاریں تے رکیا ڳاݙیاں بھنیج ویسن
اندھارا اتنا زیادہ تھی ڳئے جو روشنی کݨ
نویں ستاریں بݨا وی گھنوں ٻجھیج ویسن
ء سر جنہاں وچ دماغ روٹی دے بھورے جتنائے
تہاݙے بارے جݙاں سچیسن کٹیج ویسن
تہاݙے کاراں بھڄاوݨ اُتے جنہاں کوں ݙکھ ھ
انہاں کوں ݙسو کھڑیاں کھڑیاں وی کھنیج ویسن
مژدم خان
غزل[لکھو | ماخذ وچ تبدیلی کرو]
غزل
کیویں کہیں ککری دے کیتے جال چھوڑ ٖݙیوں
وݙی ڳالہہ ہووے تاں کیا چھوٹی ڳالہہ چھوڑ ݙیوں
تساں تساں اساں اساں کیتی رکھوں ڈھولڑاں
اساں اساں تساں تساں نال نال چھوڑ ݙیوں
تیݙا بہوں سونہڑاں ساݙا کوجھا موجھا یار سہی
تیݙی فٹ بال کیتے بیس بال چھوڑ ݙیوں
دھاڑ وو تے لٹ وو تے رل ڳیوں تے مر ڳیوں
دل ساݙی آھدی ھ جو تیݙا خیال چھوڑ ݙیوں
رب ساݙا ڈھرب اُتے کھڑ پووے پھل بݨ
پھل اُتے تتلیں دے چھوٹے بال چھوڑ ݙیوں
چھوڑ ݙیسے ویھ سال ساکوں پچھیں شاعری
جیکر اساں شاعری کوں ھک سال چھوڑ ݙیوں
شاعر مژدم خان
غزل[لکھو | ماخذ وچ تبدیلی کرو]
تل ھا تل وی ایجھا جیڑھا تیلی نہ ھئی
ڈاند چراونڑ بھجدے راہونڑ ریلی نہ ھئی
ڈیٹی آپ کوں مَنیُس ڈناں سارے جگ کوں
تریمت کیتے نواں کھیڈ پہیلی نہ ھئی
کلمہ پڑھ تے پیگ بنڑونڑ والی چھوہر
چنگی شرابنڑ ھئی پر چنگی سہیلی نہ ھئی
کہیں کہیں ویلھے سوچ تے ساکوں ڈکھ وی لگدے
اتنے وڈے جہان اچ ھک وی بیلی نہ ھئی
ایں وسوں کوں او وی تل پھل ڈیندے رہ گن
جنہاں دے گھر وچ تل یا پھل دی تھیلی نہ ھئی
اوہا ڈُونڈھی ساڈے گھر تئیں پج گئی مژدم
اساں جیڑھی دگ دے وچوں میلی نہ ھئی
کافی[لکھو | ماخذ وچ تبدیلی کرو]
گالہہ پُجائی ونج وے جیویں
کچے کچے ڈدھے رکھیوں
آپ پھٹائی ونج وے جیویں
آئی کھڑی ھ آئی کوں ٹالنڑ
نال رسائی ونج وے جیویں
سید سانگ سلوک سلونڑیں
سیجھ سجائی ونج وے جیویں
رت توں رات نشابر تھیوے
نانگ ڈنگائی ونج وے جیویں
جمدیں لا توں ککھیں وانگ ھوں
بھا تاں لائی ونج وے جیویں
رادھے پئے ہیں تیڈی راہ تے
مال چرائی ونج وے جیویں
اپنڑیں ناویں لائی ہوئی بھا کوں
دھوں بنڑائی ونج وے جیویں
پاند تے گالہیں مکدن مژدم
توڑ نبھائی ونج وے جیویں
کافی[لکھو | ماخذ وچ تبدیلی کرو]
کافی
راہ وچ کھڑی ہاں کوئی نئیں پیا امدا
جگ وچ کلہی ہاں بھل بھل پھلی ہاں
حقی پکی بیٹھی ہاں کوئی نئیں پیا کھمدا
جمے ہوئے پہاڑ اتے لو لو چلی ہاں
پگھریا جہان ہاں کوئی نئیں پیا دھمدا
بوٹیں دا تھال ہمی فوج اچ ہلی ہاں
دئی کولوں بال جیویں زوریں مسیں جمدا
آپڑیں دی لاتی ہوئی بھا وچ جلی ہاں
بگو بگی اکھ کرے کٹھ کرے مھمدا
چرک چرک توڑیں در در بلی ہاں
میں تہوں بھلی ہاں وسبے دی گلی ہاں
مژدم
کافی[لکھو | ماخذ وچ تبدیلی کرو]
تریمت انہاں کوں رب نئیں ڈسدی
تریمت انہاں کوں سب نئیں ڈسدی
کانڑیں کائنی اندھے ھن سئیں
مور انہاں کوں چور پئے لگدن
چور انہاں کوں مور پئے لگدن
صوفی کائنی بندے ھن سئیں
کانڑیں کائنی اندھے ھن سئیں
بہوں پرانڑیں گالہہ خدا دی
تھئی ہاں میں رن زال خدا دی
تہوں فرشتے گندے ھن سئیں
کانڑیں کائنی اندھے ھن سئیں
تسبیح پڑھ پڑھ گالہی تھئی ہاں
دیر توں ڈھیر اوبھالہی تھئی ہاں
مونجھ منجھاک پلندے ھن سئیں
کانڑیں کائنی اندھے ھن سئیں
جنڑیں تھیوے پری سہیلی
زری کائنی زری سہیلی
یار بھتار بلندے ھن سئیں
کانڑیں کائنی اندھے ھن سئیں
ہر جاہ گاٹی چاتی بیٹھن
وڈے بکسے لاتی بیٹھن
ہتھ وچ تسبیح چندے ھن سئیں
کانڑیں کائنی اندھے ھن سئیں
کافی[لکھو | ماخذ وچ تبدیلی کرو]
کالکڑچھی کالکڑچھی کون تیڈا اپنڑاں؟
میں تے ایان بیا جون تیڈا اپنڑاں
دھپ کُئی دھپ نہیں سجھ دا سلوک ھ
کِنڑ مِنڑ کِنڑ مِنڑ بارشیں دی کوک ھ
اللہ کولوں چھاں منگی چھاں تیڈی اپنڑیں
کالکڑچھی کالکڑچھی رات نئیں جڳاونڑاں
شہر دی مسیت اچوں دیہات نئیں جڳاونڑاں
دانھ ڈیواݨ آؤں کیا ؟ ، دانھ تیݙی اپنڑیں
کالکڑچھی کالکڑچھی کتیں کوں ڄڳانوڑائیں
چور کوں بھڄاوڑائیں ڈاچاں کوں بچاوڑائیں
ݙاچی نئیں ٻچانوڑیں تاں ڳاں تیڈی اپنڑیں
کالکڑچھی کالکڑچھی روہی نئیں بئے دا
خیال رکھ ایندا جیویں زال رکھے پئے دا
چاہ پکھی والی چاں چاں تیڈی اپنڑیں
مژدم خان
حوالہ جات/references[لکھو | ماخذ وچ تبدیلی کرو]
https://www.facebook.com/Muxdum
مژدم خان/Muzdum Khan